ಸೋಮವಾರಪೇಟೆ, ಫೆ. 22: ಮಂಡ್ಯ ಜಿಲ್ಲೆಯ ಮಂಗಲ ಗ್ರಾಮದಲ್ಲಿ ನಡೆದ ಮೈಸೂರು ವಿಭಾಗ ಮಟ್ಟದ ಯುವಜನ ಮೇಳದಲ್ಲಿ ಭಾಗವಹಿಸಿದ ಸೋಮವಾರಪೇಟೆ ತಾಲೂಕು ಯುವ ಒಕ್ಕೂಟದ ಸದಸ್ಯರುಗಳು ಪ್ರಥಮ ಸ್ಥಾನ ಪಡೆದು ರಾಜ್ಯಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.

ಸೋಮವಾರಪೇಟೆಯ ಕಿರಗಂದೂರು ಗ್ರಾಮದ ಪ್ರಕೃತಿ ಯುವತಿ ಮಂಡಳಿ ತಂಡ ಜಾನಪದ ಗೀತೆ, ಭಾವಗೀತೆ, ರಾಗಿಬೀಸುವ ಪದ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದು, ಗಂಧರ್ವ ಯುವಕ ಸಂಘದ ಸದಸ್ಯರು ಗೀಗೀ ಪದ, ಜಾನಪದ ಗೀತೆ, ಏಕಪಾತ್ರಾಭಿನಯ, ಲಾವಣಿ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು.

ಪ್ರಕೃತಿ ಯುವತಿ ಮಂಡಳಿಯ ಕೆ.ಆರ್. ಚಂದ್ರಿಕಾ ಮತ್ತು ಚಂದ್ರಕಲಾ ಅವರುಗಳು ರಾಗಿ ಬೀಸುವ ಪದದಲ್ಲಿ ರಾಜ್ಯಮಟ್ಟಕ್ಕೆ ಆಯ್ಕೆಯಾಗಿದ್ದು, ಗಂಧರ್ವ ಯುವಕ ಸಂಘದ ಸದಸ್ಯರು ಗೀಗೀ ಪದ ಸ್ಪರ್ಧೆಯಲ್ಲಿ ದ್ವಿತೀಯ ಸ್ಥಾನ ಗಳಿಸಿದ್ದಾರೆ ಎಂದು ತಾಲೂಕು ಯುವ ಒಕ್ಕೂಟದ ಅಧ್ಯಕ್ಷ ಯಡೂರು ರವಿ ತಿಳಿಸಿದ್ದಾರೆ.