ಗೋಣಿಕೊಪ್ಪಲು, ಮಾ. 16:ಮಾಯಮುಡಿ ಮುಖ್ಯ ರಸ್ತೆಯಲ್ಲಿ ಚಲಿಸುತ್ತಿದ್ದ ಕಾರ್ ಮೇಲೆ ಮರ ಬಿದ್ದು ಕಾರು ಸಂಪೂರ್ಣ ಜಖಂ ಆಗಿರುವ ಘಟನೆ ಸಂಭವಿಸಿದೆ. ಸಂಜೆ 6 ಗಂಟೆ ಸುಮಾರಿಗೆ ಬಾಳೆಲೆ ಮಾರ್ಗದಲ್ಲಿ ಡಾ. ಕಾರ್ಯಪ್ಪ ಎಂಬವರು ಚಾಲಿಸುತ್ತಿದ್ದ ಕಾರ್ ಮೇಲೆ ಸಮೀಪದ ಕಾಫಿ ತೋಟದಿಂದ ಮರವೊಂದು ಮುರಿದು ಬಿದ್ದು ಜಖಂ ಆಯಿತು. ಅದೃಷ್ಠವಶಾತ್ ಕಾರ್ ಹಿಂಭಾಗಕ್ಕೆ ಮರ ಬಿದ್ದಿದ್ದರಿಂದ ಅಪಾಯದಿಂದ ಕಾರ್ಯಪ್ಪ ಪಾರಾಗಿದ್ದಾರೆ. ಕಾರ್‍ನಲ್ಲಿ ಅವರೊಬ್ಬರೇ ಪ್ರಯಾಣಿಸುತ್ತಿದ್ದ ಪರಿಣಾಮ ಹೆಚ್ಚಿನ ಅನಾಹುತ ತಪ್ಪಿದಂತಾಗಿದೆ.