ಸುಂಟಿಕೊಪ್ಪ, ಮಾ. 30: ತನಗೆ ಪಕ್ಷವು ನೀಡಿರುವ ಜವಾಬ್ದಾರಿಯನ್ನು ಸಮರ್ಪಕವಾಗಿ ನಿರ್ವಹಿಸುವ ಮೂಲಕ ಪಕ್ಷಕ್ಕೆ ಯುವಕರನ್ನು ಕರೆತಂದು ಸಂಘಟಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತೇನೆ ಎಂದು ಕೊಡಗು ಜಿಲ್ಲಾ ಬಿಜೆಪಿ ಅಧ್ಯಕ್ಷ ಬಿ.ಬಿ.ಭಾರತೀಶ್ ಹೇಳಿದರು.

ಇಲ್ಲಿಗೆ ಸಮೀಪದ ಕಾನ್ ಬೈಲ್ ಬೈಚನಹಳ್ಳಿಯ ಬಿಜೆಪಿ ವತಿಯಿಂದ ನೂತನವಾಗಿ ಬಿಜೆಪಿ ಸನ್ಮಾನವನ್ನು ಸ್ವೀಕರಿಸಿ ಮಾತನಾಡಿದ ಅವರು ತಾನು ದುಡಿದಿರುವ ಮತ್ತು ಸಂಘಟನೆಯ ಕೆಲಸವನ್ನು ಗುರುತಿಸಿ ಈ ಜಿಲ್ಲೆಯಲ್ಲಿ ಪಕ್ಷವನ್ನು ಮುನ್ನಡೆಸುವ ಹೊಣೆಯನ್ನು ಹೊರಿಸಿದೆ. ಇದನ್ನು ಸಮರ್ಪಕವಾಗಿ ನಿರ್ವಹಿಸಿ ಪಕ್ಷದ ಹಿರಿಯರೊಡನೆ ಚರ್ಚಿಸಿ ಎಲ್ಲಾ ಕೆಲಸಗಳನ್ನು ಉತ್ತಮ ರೀತಿಯಲ್ಲಿ ಮುಂದುವರೆಸಿಕೊಂಡು ಹೋಗುತ್ತೇನೆ ಎಂದು ತಿಳಿಸಿದರು.

ಮಾಜಿ ತಾಲೂಕು ಪಂಚಾಯಿತಿ ಸದಸ್ಯ ಶಂಕರನಾರಾಯಣ ಮಾತನಾಡಿ, ಸಣ್ಣ ವಯಸ್ಸಿನಲ್ಲಿ ಇಂತಹ ದೊಡ್ಡದಾದ ಜವಾಬ್ಧಾರಿ ನೀಡಿರುವದು ಸಂತಸ ತಂದಿದೆ ಎಂದರು. ಕಾನ್ ಬೈಲ್ ಬೈಚನಹಳ್ಳಿ ಗ್ರಾಮ ಪಂಚಾಯಿತಿ ಮಾಜಿ ಸದಸ್ಯ ಚೂಮಣಿ ಮಾತನಾಡಿ, ಯುವ ನಾಯಕನಿಗೆ ಇಂತಹ ಅಧ್ಯಕ್ಷ ಸ್ಥಾನ ನೀಡಿದರಿಂದ ಯುವಕರು ಪಕ್ಷದ ಹಿತಕ್ಕಾಗಿ ದುಡಿಯಲು ಸಹಾಯವಾಗುತ್ತದೆ ಎಂದು ಅಭಿಪ್ರಾಯ ಪಟ್ಟರು.

ಮಾಜಿ ಗ್ರಾಮ ಪಂಂಚಾಯಿತಿ ಸದಸ್ಯ ಬಿ.ಜಿ.ರಮೇಶ್ ಮಾತನಾಡಿದರು.

ಈ ಸಂದರ್ಭ ತಾಲೂಕು ಪಂಚಾಯಿತಿ ಸದಸ್ಯೆ ಮಣಿ, ಗ್ರಾ.ಪಂ. ಸದಸ್ಯ ಅಂಬೆಕಲ್ ಚಂದ್ರಶೇಖರ್, ಬಿ.ಈ. ಸತೀಶ್, ಕಾನ್‍ಬೈಲ್ ಬೈಚನಹಳ್ಳಿ ಬಿಜೆಪಿ ಯುವ ಮೋರ್ಚಾ ಅಧ್ಯಕ್ಷ ಮೋಹನ್, ಮುಖಂಡರಾದ ಪೊನ್ನ, ತೆಕ್ಕಡ ಸಂಜು, ಅನಿಲ್, ರಾಜೇಶ್, ಅಚ್ಚುತ, ಯುವ ಮೋರ್ಚಾದ ಸದಸ್ಯರಾದ ಪ್ರಸನ್ನ ರೈ, ಗೋಪಾಲ, ಕೃಷ್ಣಪ್ಪ ಇತರರು ಇದ್ದರು.