ಕೂಡಿಗೆ, ಅ. 3: ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಗೆ ಬೈಕೊಂದು ಡಿಕ್ಕಿಯಾಗಿ ವ್ಯಕ್ತಿ ದುರ್ಮರಣಗೊಂಡಿರುವ ಘಟನೆ ಸಂಜೆ ವೇಳೆ ನಡೆದಿದೆ.

ಹುಲುಸೆ ಗ್ರಾಮ ನಿವಾಸಿ ಹರೀಶ್ ಎಂಬಾತ ತನ್ನ ಬೈಕ್‍ನಲ್ಲಿ (ಕೆಎ 12 - 7460) ಕುಶಾಲನಗರಕ್ಕೆ ತೆರೆಳುತ್ತಿದ್ದ ಸಂದರ್ಭ ಕೂಡಿಗೆ ಬಳಿ ನಡೆದುಕೊಂಡು ಹೋಗುತ್ತಿದ್ದ ಬಸವನತ್ತೂರು ಗ್ರಾಮ ನಿವಾಸಿ ರಾಮಣ್ಣ (958) ಎಂಬವರಿಗೆ ಡಿಕ್ಕಿಯಾಗಿದೆ. ತಲೆ ಹಾಗೂ ದೇಹದ ಇತರ ಭಾಗಗಳಿಗೆ ಗಂಭೀರ ಗಾಯಗಳಾಗಿದ್ದ ಅವರನ್ನು ಕುಶಾಲನಗರ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದಾರೆ. ಕುಶಾಲನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.