ಮಡಿಕೇರಿ, ಅ. 11: ಚೀನಾದಲ್ಲಿ ಇತ್ತೀಚೆಗೆ ನಡೆದ 20ನೇ ಏಷ್ಯಾ ಮಾಸ್ಟರ್ಸ್ ಅಥ್ಲೆಟಿಕ್ಸ್ ಚಾಂಪಿಯನ್ ಶಿಪ್‍ನಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದ ಜಿಲ್ಲೆಯ ಕಡಗದಾಳುವಿನ ಕೆಚ್ಚೆಟ್ಟೀರ ರೇಷ್ಮಾ ದೇವಯ್ಯ ಉತ್ತಮ ಸಾಧನೆ ತೋರಿದ್ದಾರೆ. 2000 ಮೀಟರ್ ಸ್ಟೀಫಲ್ ಚೇಸ್ ಸ್ಪರ್ಧೆ (ರನ್ನಿಂಗ್, ಹರ್ಡಲ್ಸ್, ನೀರುಗುಂಡಿ ದಾಟಿ ಓಡುವದು) ಯಲ್ಲಿ ಇವರು 4ನೇ ಸ್ಥಾನ ಹಾಗೂ ಹೈಜಂಪ್‍ನಲ್ಲಿ 7ನೇ ಸ್ಥಾನಗಳಿಸಿದ್ದಾರೆ. 18 ರಾಷ್ಟ್ರಗಳು ಪಾಲ್ಗೊಂಡಿದ್ದ ಈ ಸ್ಪರ್ಧೆಯಲ್ಲಿ ವಿವಿಧ ವಿಭಾಗದಲ್ಲಿ ಸೇರಿ ಭಾರತದಿಂದ 260 ಮಂದಿ ಪಾಲ್ಗೊಂಡಿದ್ದರು. ಕರ್ನಾಟಕದಿಂದ 25 ಹಾಗೂ ಜಿಲ್ಲೆಯಿಂದ 5 ಮಂದಿ ವಿವಿಧ ಕ್ರೀಡೆಯಲ್ಲಿ ಪಾಲ್ಗೊಂಡಿದ್ದರು.