ಸಿದ್ದಾಪುರ, ನ. 26: ಮಾಲ್ದಾರೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಮೈಲಾತ್‍ಪುರದ ಶ್ರೀ ಸಿದ್ದಪ್ಪ್ಪಾಜಿ ಸ್ವಾಮಿ ದೇವಾಲಯದ ಸಮೀಪದ ರಸ್ತೆ ಹಾಗೂ ಚೋಟ್ಟೆಪಾಳಿ ರಸ್ತೆಗಳಿಗೆ ಜಿಲ್ಲಾ ಪಂಚಾಯಿತಿ ಸದಸ್ಯೆ ಲೀಲಾವತಿ ಅವರ ಅನುದಾನದಲ್ಲಿ ರಾಜ್ಯ ಕಾಂಗ್ರೆಸ್ ಪಕ್ಷದ ಅಲ್ಪಸಂಖ್ಯಾತ ಘಟಕದ ಉಪಾಧ್ಯಕ್ಷ ಪಿ.ಸಿ. ಹಸೈನಾರ್ ಹಾಜಿ ಅವರು ಭೂಮಿ ಪೂಜೆ ನೆರವೇರಿಸಿದರು. ಮಾಲ್ದಾರೆಯ ಸಿದ್ದಪ್ಪಾಜಿ ದೇವಾಲಯದ ರಸ್ತೆ ರೂ. 1.80 ಲಕ್ಷ ಹಾಗೂ ಚೋಟ್ಟೆಪಾಳಿ ರಸ್ತೆ ರೂ. 2 ಲಕ್ಷದ ವೆಚ್ಚದ ರಸ್ತೆ ನಿರ್ಮಾಣದ ಕಾಮಾಗಾರಿಗೆ ಭೂಮಿ ಪೂಜೆ ಚಾಲನೆ ನೀಡಿದ ಬಳಿಕ ಪಿ.ಸಿ. ಹಸೈನಾರ್ ಅವರು ಮಾತನಾಡಿ, ರಾಜ್ಯ ಸರ್ಕಾರವು ಗ್ರಾಮೀಣ ಪ್ರದೇಶದ ರಸ್ತೆಗಳ ಅಭಿವೃದ್ಧಿಗೆ ಹೆಚ್ಚಿನ ಅನುದಾನವನ್ನು ನೀಡುತ್ತಿದ್ದು. ಈಗಾಗಲೇ ಜಿಲ್ಲೆಯ ಬಹುತೇಕ ರಸ್ತೆಗಳ ಕಾಮಗಾರಿಗಳು ನಡೆಯುತ್ತಿದ್ದು. ಮುಂದಿನ ದಿನಗಳಲ್ಲಿ ಮುಖ್ಯಮಂತ್ರಿಗಳನ್ನು ಭೇಟಿ ಮಾಡಿ ಮಾಲ್ದಾರೆ ವ್ಯಾಪ್ತಿಯಲ್ಲಿ ಹದಗೆಟ್ಟಿರುವ ರಸ್ತೆಗಳಿಗೆ ಅಭಿವೃದ್ಧಿಗೆ ಅನುದಾನವನ್ನು ಬಿಡುಗಡೆ ಮಾಡಲು ಶ್ರಮಿಸುವದಾಗಿ ಭರವಸೆ ನೀಡಿದರು.

ಈ ಸಂದರ್ಭ ಜಿ.ಪಂ. ಸದಸ್ಯೆ ಲೀಲಾವತಿ, ತಾ.ಪಂ. ಸದಸ್ಯೆ ಚಿನ್ನಮ್ಮ, ಗ್ರಾ.ಪಂ. ಸದಸ್ಯರಾದ ಅಜ್ಜಿನಿಕಂಡ ರಘು ಕರುಂಬಯ್ಯ, ರಾಶೀದ್, ಕಾಂಗ್ರೆಸ್ ಮುಖಂಡರುಗಳಾದ ಅಜ್ಜಿನಿಕಂಡ ರಾಜುಅಪ್ಪಯ್ಯ, ಮಹಮ್ಮದ್‍ಆಲಿ, ಹೆಚ್.ಸಿ. ಸಣ್ಣಯ್ಯ, ಯೋಗೇಶ್ ಹಾಜರಿದ್ದರು.