ಗೋಣಿಕೊಪ್ಪ ವರದಿ, ಡಿ. 15: ಬೆಂಗಳೂರು ಪ್ಯಾರಾಚೂಟ್ ರೆಜಿಮೆಂಟ್‍ನಲ್ಲಿ ನಡೆದ ಅಟಾಚ್‍ಮೆಂಟ್ ಶಿಬಿರದಲ್ಲಿ ಕಾವೇರಿ ಪದವಿಪೂರ್ವ ಕಾಲೇಜಿನ ಎನ್.ಸಿ.ಸಿ. ಕೆಡೆಟ್ ಬಿ.ಟಿ. ಕ್ಷೀರಾ ಕೊಡಗು ಜಿಲ್ಲೆಯನ್ನು ಪ್ರತಿನಿಧಿಸಿ ಜರ್ಮನ್ ರೈಫಲ್‍ನಲ್ಲಿ ಬೆಸ್ಟ್ ಫೈರರ್ ಸ್ಥಾನ ಗಿಟ್ಟಿಸಿಕೊಂಡರು.
ಶಿಬಿರದಲ್ಲಿ ಡ್ರಿತ್, ಅಬ್ಸ್ಟಿಕಲ್ ಟ್ರೈನಿಂಗ್, ಸ್ಲಿದರಿಂಗ್, ಜಿಮ್, ಬಾಸ್ಕೆಟ್‍ಬಾಲ್ ಮತ್ತು ವಾಲಿಬಾಲ್‍ಗಳಂತಹ ಕ್ರೀಡೆಗಳಿಗೆ ತರಬೇತಿ ನಡೆಯಿತು. ಈಕೆ ಡ್ರಿತ್‍ಟೆಸ್ಟ್‍ನ ಅಂತಿಮ ಸುತ್ತಿನ ಮೂವರಲ್ಲಿ ಒಬ್ಬಳಾಗಿದ್ದದ್ದು ವಿಶೇಷವಾಗಿದೆ. ಜರ್ಮನ್ ರೈಫಲ್, ಇನ್‍ಸಾಸ್ ಹಾಗೂ ಟಾವೋಕ್ ರೈಫಲ್‍ಗಳಲ್ಲಿ ಫೈರಿಂಗ್ ತರಬೇತಿ ಪಡೆದಿದ್ದಾರೆ.