ಮಡಿಕೇರಿ, ಡಿ. 17: ಕೊಡಗನ್ನು ಒಳಗೊಂಡಂತೆ ಕರ್ನಾಟಕದ ವಿವಿಧ ಜಿಲ್ಲೆಗಳ ಮೊಹಲ್ಲಾಗಳಿಗೆ ಖಾಝಿಗಳಾಗಿದ್ದ ಹಾಗೂ ಪ್ರಖ್ಯಾತ ಧರ್ಮ ವಿದ್ವಾಂಸರಾದ ತಾಜುಲ್ ಉಲಮಾ ಸಯ್ಯಿದ್ ಅಬ್ದುg್ರÉಹಮಾನ್ ಅಲ್ ಬುಖಾರಿ ತಂಙಳ್‍ರವರ 4ನೇ ವಾರ್ಷಿಕ ಉರೂಸ್ ಅವರ ಸಮಾಧಿ ಸ್ಥಳವಾದ ಕೇರಳದ ಕಣ್ಣೂರಿನ ಎಟ್ಟಿಕುಳಂನಲ್ಲಿ ತಾ. 19 ರಿಂದ 21 ರವರೆಗೆ ನಡೆಯಲಿದೆ ಎಂದು ಕೊಡಗು ಜಿಲ್ಲಾ ಮದನೀಸ್ ಅಸೋಸಿಯೇಷನ್ ತಿಳಿಸಿದೆ.ಸುದ್ದಿಗೋಷ್ಠಿಯಲ್ಲಿ ಅಸೋಸಿಯೇಷನ್ ಪದಾಧಿಕಾರಿಗಳು ಮಾತನಾಡಿ, ತಾ. 19 ರಂದು ಎಸ್‍ಎಸ್‍ಎಫ್ ರಾಜ್ಯಾಧ್ಯಕ್ಷರಾದ ಡಾ. ಫಾರೂಕ್ ನಈಮಿ ಕೊಲ್ಲ, ತಾ. 20 ರಂದು ಎಸ್‍ವೈಎಸ್ ರಾಜ್ಯಾಧ್ಯಕ್ಷ ಪೇರೋಡ್ ಅಬ್ದುರ್ರೆಹಮಾನ್ ಸಖಾಫಿ ಪ್ರಧಾನ ಭಾಷಣ ಮಾಡಲಿದ್ದಾರೆ ಎಂದರು. ತಾ. 21 ರಂದು ಸಂಜೆ ನಡೆಯುವ ಪ್ರಾರ್ಥನಾ ಸಮ್ಮೇಳನದಲ್ಲಿ ಸಯ್ಯಿದ್ ಆಟಕೋಯ ತಂಙಳ್, ಸಯ್ಯಿದ್ ಇಬ್ರಾಹಿಂ ಖಲೀಲುಲ್ ಬುಖಾರಿ, ಸುಲ್ತಾನುಲ್ ಉಲಮಾ, ಎ.ಪಿ. ಅಬೂಬಕ್ಕರ್ ಮುಸ್ಲಿಯಾರ್ ಪಾಲ್ಗೊಳ್ಳಲಿದ್ದಾರೆಂದು ತಿಳಿಸಿದರು.

ಗೋಷ್ಠಿಯಲ್ಲಿ ಮದನೀಸ್ ಅಸೋಸಿಯೇಷನ್‍ನ ಕೊಡಗು ಜಿಲ್ಲಾ ಘಟಕದ ಅಧ್ಯಕ್ಷ ಉಸ್ಮಾನ್ ಮದನಿ ಕೊಳಕೇರಿ, ಕಾರ್ಯದರ್ಶಿ ಅಬ್ದುಲ್ ಮದನಿ ಕುಂಜಿಲ, ಉಪಾಧ್ಯಕ್ಷರುಗಳಾದ ಅಬೂಬಕ್ಕರ್ ಮದನಿ ಮಾಲ್ದಾರೆ, ಅಬ್ದುಲ್ ಹಮೀದ್ ಮದನಿ ಹಾಗೂ ಸದಸ್ಯರಾದ ಹಾರಿಸ್ ಮದನಿ ಉಪಸ್ಥಿತರಿದ್ದರು.