ವೀರಾಜಪೇಟೆ, ಡಿ. 18: ನಗರದ ಕೆ.ಜೆ.ಸಿ ಕ್ರಿಕೆಟರ್ಸ್ ಸಂಸ್ಥೆಯ 9 ನೇ ವರ್ಷದ ಅಯೋಜಿತ ಸೂಪರ್ 8 ಕ್ರಿಕೆಟ್ ಪಂದ್ಯಾಟದ ಅಂತಿಮ ಪಂದ್ಯಾಟದಲ್ಲಿ ಆಧ್ಯ ಕ್ರಿಕೆಟ್ ತಂಡವನ್ನು ಮಣಿಸಿ ಮೆಕ್ಸ್‍ವೆಲ್ ತಂಡವು ವಿಜಯಶಾಲಿಯಾಗಿ ಹೊರಹೊಮ್ಮಿತು.

ವೀರಾಜಪೇಟೆ ನಗರದ ಚಿಕ್ಕಪೇಟೆ ಶಿವಕೇರಿಯ ಕೆ.ಜೆ.ಸಿ ಕ್ರಿಕೇಟರ್ಸ್ ಸಂಸ್ಥೆಯು ಕ್ರಿಕೆಟ್ ಪಂದ್ಯಾಟವನ್ನು ನಗರದ ಜೂನಿಯರ್ ಕಾಲೇಜಿನ ಆಟದ ಮೈದಾನದಲ್ಲಿ ಅಯೋಜಿಸಿತ್ತು. ಸಮಾರೋಪ ಸಮಾರಂಭದ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಪಟ್ಟಣ ಪಂಚಾಯಿತಿಯ ಸ್ಥಾಯಿ ಸಮಿತಿಯ ಅಧ್ಯಕ್ಷÀ ಪಾಂಡಂಡ ರಚನ್ ಮೇದಪ್ಪ, ಝೇನ್ ಶಿಟೊ ರಿಯೋ ಕರಾಟೆ ಸ್ಕೂಲ್ ಚಿಕ್ಕಪೇಟೆಯ ಮುಖ್ಯ ಶೀಕ್ಷಕÀ ಕರ್ನಂಡ ಪಿ.ಸೋಮಣ್ಣ ಆಗಮಿಸಿದ್ದರು.

ವೇದಿಕೆಯಲ್ಲಿ ನಗರ ಭಾ.ಜ.ಪ ಅಧ್ಯಕ್ಷ ಅಂಜಪರವಂಡ ಅನಿಲ್ ಮಂದಣ್ಣ, ಉದ್ಯಾಮಿಗಳಾದ ಸಚಿನ್, ಸಲೀಂ ಸಾಗರ್ ಡೆಕೊರೇಟರ್ಸ್ ಮಾಲೀಕ ಸಾಗರ್, ಸ್ಥಳೀಯರಾದ ಪಾಪಯ್ಯ , ದಂಡಿನ ಮಾರಿಯಮ್ಮ ದೇವಸ್ಥಾನದ ಸಮೀತಿಯ ಅಧ್ಯಕ್ಷ ಶ್ರೀನಿವಾಸ್ ಮೂರ್ತಿ, ಅಯೋಜಕ ಸಂಸ್ಥೆಯ ಅಧ್ಯಕ್ಷ ರಾಘವೇಂದ್ರ ಮತ್ತು ಸಂಸ್ಥೆಯ ಸದಸ್ಯರು ಉಪಸ್ಥಿತರಿದ್ದರು.