ಮಡಿಕೇರಿ, ಡಿ. 19: ಅಖಿಲ ಭಾರತ ಅಂತರ ವಿಶ್ವವಿದ್ಯಾಲಯದ ಅಥ್ಲೆಟಿಕ್ ಪಂದ್ಯಾವಳಿಯ ಪುರುಷರ ರಿಲೇಯಲ್ಲಿ ಭಾಗವಹಿಸಿದ್ದ ಕೊಡಗು ಜಿಲ್ಲೆಯ ಸಂಪ್ರೀತ್ ಪ್ರಥಮ ಸ್ಥಾನ ಗಳಿಸಿದ್ದಾರೆ. ಆಂಧ್ರಪ್ರದೇಶದ ನಾಗಾರ್ಜುನ ವಿಶ್ವವಿದ್ಯಾಲಯದಲ್ಲಿ 4x100 ರಿಲೇ ಓಟದಲ್ಲಿ ಗೆದ್ದು ಚಿನ್ನದ ಪದಕ ಹಾಗೂ ರೂ. 25 ಸಾವಿರ ನಗದು ಬಹುಮಾನವನ್ನು ಪಡೆದಿದ್ದಾರೆ.ಭಾಗಮಂಡಲದ ಸಣ್ಣಪುಲಿಕೋಟು ಗ್ರಾಮದ ಕುಂಡ್ಯನ ಗಣೇಶ್, ರೇಖಾ ದಂಪತಿ ಪುತ್ರ, ಮೂಡಬಿದಿರೆ ಆಳ್ವಾಸ್ ಶಿಕ್ಷಣ ಸಂಸ್ಥೆಯಲ್ಲಿ ಬಿ.ಕಾಂ. ಅಂತಿಮ ಪದವಿ ವಿದ್ಯಾರ್ಥಿಯಾಗಿದ್ದಾನೆ.