ಗೋಣಿಕೊಪ್ಪ ವರದಿ, ನ. 12 : ಮಣಿಪುರದ ಇಂಪಾಲದಲ್ಲಿ ನಡೆಯುತ್ತಿರುವ ರಾಷ್ಟ್ರೀಯ ಹಾಕಿ ಟೂರ್ನಿಯಲ್ಲಿ ಹಾಕಿಕೂರ್ಗ್ ಪುರುಷರ ತಂಡವು ಗೆಲುವು ದಾಖಲಿಸಿದೆ. ಲೀಗ್ ಹಂತದ ಮೊದಲ ಪಂದ್ಯದಲ್ಲಿ ಜಮ್ಮು-ಕಾಶ್ಮೀರ ಹಾಕಿ ತಂಡದ ವಿರುದ್ಧ 6-4 ಗೋಲುಗಳ ಗೆಲುವು ದಾಖಲಿಸಿ ಶುಭಾರಂಭ ಮಾಡಿದೆ.

ಹಾಕಿ ಕೂರ್ಗ್ ಪರ 53ನೇ ನಿಮಿಷಗಳಲ್ಲಿ ಐ. ಎ. ಪೂವಣ್ಣ, 15, 31ನೇ ನಿಮಿಷಗಳಲ್ಲಿ ಎ. ರಾಹುಲ್ ತಲಾ ಎರಡು ಗೋಲು ಹೊಡೆದರು. 5ನೇ ನಿಮಿಷದಲ್ಲಿ ಆರ್. ಪುನೀತ್, 9ನೇ ನಿಮಿಷದಲ್ಲಿ ಹರೀಶ್ ಗೋಲು ಬಾರಿಸಿದರು. ತಂಡದ ವ್ಯವಸ್ಥಾಪಕರಾಗಿ ಬೊಳ್ಳಂಡ ರೋಶನ್, ತರಬೇತುದಾರರಾಗಿ ಬಿ. ಎಸ್. ವೆಂಕಟೇಶ್ ಕಾರ್ಯನಿರ್ವಹಿಸಿದರು.