ನಾಪೆÇೀಕ್ಲು, ಜ. 20 : ಸ್ಥಳೀಯ ಸ. ಪದವಿ ಪೂರ್ವ ಕಾಲೇಜಿಗೆ ನೂತನವಾಗಿ ಕೊಠಡಿ ನಿರ್ಮಿಸಲು ಶಾಸಕ ಕೆ.ಜಿ. ಬೋಪಯ್ಯ ಭೂಮಿಪೂಜೆ ನೆರವೇರಿಸಿದರು. ಈ ಸಂದರ್ಭ ಮಾತನಾಡಿದ ಅವರು ಬ್ರಿಟಿಷರ ಕಾಲದಲ್ಲಿ ಊರಿನ ಜನರು ಶಾಲೆ ನಿರ್ಮಿಸಲು ಸುಮಾರು 54 ಏಕ್ರೆ ಜಾಗವನ್ನು ಉದಾರವಾಗಿ ನೀಡಿದ್ದು ಇಲ್ಲಿ ಸುಸಜ್ಜಿತ ಕಟ್ಟಡ ಕಟ್ಟಲಾಗಿದ್ದರೂ ಪದವಿ ಪೂರ್ವ ಕಾಲೇಜಿಗೆ ಕೊಠಡಿ ಕೊರತೆಯನ್ನು ನೀಗಿಸಲು ನಬಾರ್ಡ್ ವತಿಯಿಂದ ಎರಡು ಕೋಣೆ ಮತ್ತು ಶೌಚಲಯ ನಿರ್ಮಿಸಲು ಸುಮಾರು ರೂ. 54 ಲಕ್ಷ ಮಂಜೂರಾಗಿದ್ದು, ಶೀಘ್ರವೇ ಕಾಮಗಾರಿಯನ್ನು ಆಯೋಜಿಸಲಾಗುವದು ಎಂದು ತಿಳಿಸಿದರು. ಕಾಮಗಾರಿ ಕಳಪೆಯಾಗದಂತೆ ಅಡಳಿತ ಮಂಡಳಿ ನೋಡಿಕೊಳ್ಳಬೇಕೆಂದು ಹೇಳಿದರು.

ಜಿಲ್ಲಾ ಪಂಚಾಯತ್ ಸದಸ್ಯ ಪಾಡಿಯಮ್ಮಂಡ ಮುರುಳಿ ಕರುಂಬಮ್ಮಯ್ಯ, ತಾಲೂಕು ಪಂಚಾಯಿತಿ ಅಧ್ಯಕ್ಷೆ ತೆಕ್ಕಡ ಶೋಭಾ ಮೋಹನ್, ಉಪಾಧ್ಯಕ್ಷ ಸಂತು ಸುಬ್ರಮಣಿ, ಜನತಾ ಬಜಾರ್ ಅಧ್ಯಕ್ಷ ರವಿ ಬಸಪ್ಪ, ಬೆಲ್ಲು ಸೋಮಯ್ಯ, ತಳೂರ್ ಕಿಶೋರ್ ಕುಮಾರ್, ತಾ. ಪಂ. ಸದಸ್ಯೆ ಉಮಾ ಪ್ರಭು, ಕಾಲೇಜು ಆಡಳಿತ ಮಂಡಳಿ ಅಧ್ಯಕ್ಷ ಕರವಂಡ ಲವ ನಾಣಯ್ಯ, ಸದಸ್ಯ ಚೋಕಿರ ಪ್ರಭು, ಬಿ.ಜೆ.ಪಿ. ವಲಯ ಅಧ್ಯಕ್ಷ ಶಿವಚಾಳಿಯಂಡ ಅಂಬಿ ಕಾರ್ಯಪ್ಪ, ಗ್ರಾಮ ಪಂಚಾಯಿತಿ ಸದಸ್ಯ ಜಗದೀಶ್, ಜ್ಯೋತಿ, ಮುತ್ತುರಾಣಿ, ಅಕ್ಕಮ್ಮ, ನಾಯಕರಾದ ಕುಡ್ಯೂಳಂಡ ರಮೇಶ್ ಮುದ್ದಯ್ಯ, ಪಾಡಿಯಮ್ಮಂಡ ಮನು ಮಹೇಶ್, ಕಂಗಾಂಡ ಜಾಲಿ ಪೂವಪ್ಪ, ಪ್ರಭಾರ ಪ್ರಾಂಶುಪಾಲೆ ನಳಂದ, ಉಪನ್ಯಾಸಕಿಯರಾದ ಸರಳ, ಕೃಪ, ರೀಟಾ, ಆಶ್ವಿನಿ, ಪೂಜಾ, ಮುತ್ತಮ್ಮ, ನಿವೃತ್ತ ಪ್ರಾಂಶುಪಾಲೆ ಉದಿಯಂಡ ಪದ್ಮಜಾ, ಶೈಲಜ, ಮುತ್ತಪ್ಪ ಇದ್ದರು.