ಗೋಣಿಕೊಪ್ಪ ವರದಿ, ಜ. 21: ಕೇಂದ್ರ ಸರ್ಕಾರದ ಇಂಧನ ಉಳಿಸಿ ಪರಿಸರ ಬೆಳೆಸಿ ಕಾರ್ಯಕ್ರಮದಂತೆ ಮಾದಪ್ಪ ಪೆಟ್ರೋಲಿಯಂ ವತಿಯಿಂದ ನಡೆದ ಸೈಕಲ್ ಜಾಥಾ ಅಭಿಯಾನದಲ್ಲಿ ನೂರಾರು ಸೈಕಲ್ ಸವಾರರು ಪ್ರಕೃತಿ ಉಳಿಸಿ ಎಂಬ ಸಂದೇಶ ಸಾರಿದರು.ಪೊನ್ನಂಪೇಟೆಯಿಂದ ಗೋಣಿಕೊಪ್ಪದವರೆಗೆ ಸೈಕಲ್ ಜಾಥಾದಲ್ಲಿ ಸೈಕಲ್ ಸವಾರರು ಪಾಲ್ಗೊಂಡು ಇಂಧನ ಬಳಕೆಯಿಂದ ಆಗುತ್ತಿರುವ ಸಂಪನ್ಮೂಲ ನಾಶದ ಬಗ್ಗೆ ಅರಿವು ಮೂಡಿಸಿದರು. ವಿವಿಧ ಸಂಘಟನೆಗಳ ಪ್ರಮುಖರುಗಳು, ವಿದ್ಯಾರ್ಥಿಗಳು, ವೈದ್ಯರು ಜಾಥಾದಲ್ಲಿ ಸೈಕಲ್ ತುಳಿದು ಇಂಧನದ ಮಹತ್ವ ಸಾರಿದರು.

ಪೊನ್ನಂಪೇಟೆ ರಾಮಕೃಷ್ಣ ಶಾರದಾಶ್ರಮದಿಂದ ಆರಂಭಗೊಂಡ ಜಾಥಾವನ್ನು ರಾಮಕೃಷ್ಣ ಶಾರದಾಶ್ರಮ ಅಧ್ಯಕ್ಷ ಬೋದಸ್ವರೂಪ ನಂದಾಜಿ, ಡಾ. ಚಂದ್ರಶೇಖರ್ ಚಾಲನೆ ನೀಡಿದರು.

ಈ ಸಂದರ್ಭ ಮಾದಪ್ಪ ಪೆಟ್ರೋಲಿಯಂ ಮುಖ್ಯಸ್ಥ ಮಚ್ಚಮಾಡ ಅನೀಶ್ ಮಾದಪ್ಪ ಇದ್ದರು. ಸವಾರರಿಗೆ ಟಿ. ಶರ್ಟ್, ಕ್ಯಾಪ್ ಹಾಗೂ ಉಪಹಾರ ನೀಡಲಾಯಿತು. ಮಾದಪ್ಪ ಪೆಟ್ರೋಲ್ ಬಂಕ್ ಆವರಣದಲ್ಲಿ ಅಭಿಯಾನಕ್ಕೆ ತೆರೆ ಎಳೆಯಲಾಯಿತು.