ಗುಡ್ಡೆಹೊಸೂರು, ಫೆ. 5: ಇಲ್ಲಿಗೆ ಸಮೀಪದ ಹೇರೂರು ಗ್ರಾಮದ ಅತ್ತೂರು ಮೀಸಲು ಅರಣ್ಯದಲ್ಲಿ ಕಾಡ್ಗಿಚ್ಚು ಕಾಣಿಸಿಕೊಂಡು ಸುಮಾರು 5 ಏಕರೆ ಪ್ರದೇಶ ಬೆಂಕಿಗೆ ಆಹುತಿಯಾಯಿತು. ಅರಣ್ಯ ಇಲಾಖಾ ಸಿಬ್ಬಂದಿಗಳು ಬೆಂಕಿ ನಂದಿಸುವ ಕಾರ್ಯದಲ್ಲಿ ತೊಡಗಿರುವದು ಕಂಡು ಬಂತು ಈ ಕಾರ್ಯದಲ್ಲಿ ವನಪಾಲಕ ಅನಿಲ್ ಡಿಸೋಜ ಅರಣ್ಯ ರಕ್ಷಕರಾದ ಪೂಣಚ್ಚ, ಮಂಜೆಗೌಡ ಮತ್ತು ಲ್ಯಾಂಪ್ಸ್ ಸೊಸೈಟಿ ನಿರ್ದೇಶಕ ಬಿ.ಕೆ.ಮೋಹನ, ಸುಬ್ರಮಣಿ, ಮತ್ತು ಹೇರೂರು ಗಿರಿಜನ ಹಾಡಿಯ ಯುವಕರು ಮತ್ತು ಅರಣ್ಯ ಸಮಿತಿ ಅಧ್ಯಕ್ಷ ಮೊಟ್ಟನ ಕರ್ಣ ಮುಂತಾದವರು ಕಾರ್ಯ ನಿರ್ವಹಿಸಿದರು. ಸ್ಥಳಕ್ಕೆ ಅಗ್ನಿಶಾಮಕ ದಳದ ವಾಹನ ಬಂದು ಬೆಂಕಿ ನಂದಿಸುವ ಕಾರ್ಯದಲ್ಲಿ ತೊಡಗಿದ್ದು, ಆ ಸಮಯಕ್ಕೆ ಸಿಬ್ಬಂದಿಗಳು ಸುತ್ತಾಮುತ್ತ ಬೆಂಕಿ ಆವರಿಸುವದನ್ನು ಸಂಪೂರ್ಣ ಹತೋಟಿಗೆ ತಂದಿದ್ದರು. ಕಳೆದ ವರ್ಷ ಈ ವಿಭಾಗದಲ್ಲಿ ನೂರಾರು ಏಕರೆ ಪ್ರದೇಶದ ಅರಣ್ಯ ಸಂಪೂರ್ಣ ನಾಶವಾಗಿತ್ತು. ಇದೀಗ ಆನೆಕಾಡು ಭಾಗದಲ್ಲಿ ಕಾಣಿಸಿಕೊಂಡ ಬೆಂಕಿ ಹತೋಟಿಗೆ ಬಂದಿದೆ.

- ಚಿತ್ರ - ವರದಿ : ಗಣೇಶ್ ಕುಡೆಕಲ್