ಪೊನ್ನಂಪೇಟೆ, ಫೆ. 4: ಭಾರತೀಯ ಜೇಸೀಸ್‍ನ ವಲಯ 14 ರ ಸಂಯೋಜಕರಾಗಿ ಜೆ.ಸಿ.ಐ. ಪೊನ್ನಂಪೇಟೆ ನಿಸರ್ಗ ಘಟಕದಿಂದ ಬಿ.ಈ. ಕಿರಣ್ ಅವಿರೋಧವಾಗಿ ನೇಮಕಗೊಂಡಿದ್ದಾರೆ.

ಕಿರಣ್ ಅವರು 2018ನೇ ಸಾಲಿನ ವಲಯಾಡಳಿತ ಮಂಡಳಿಯಲ್ಲಿ ರಾಷ್ಟೀಯ ಪ್ರಮುಖ (ಫ್ಲಾಗ್ ಶಿಪ್) ಕಾರ್ಯಕ್ರಮ ವಿಭಾಗದ ವಲಯ ಸಂಯೋಜಕರಾಗಿ ಕಾರ್ಯನಿರ್ವಹಿಸಲಿದ್ದಾರೆ. 2017ನೇ ಸಾಲಿನಲ್ಲೂ ಜೇಸೀಸ್‍ನ ವಲಯಾಡಳಿತ ಮಂಡಳಿಯಲ್ಲಿ ‘ಜೇಸಿ ಸಪ್ತಾಹ ಮತ್ತು ಎನ್.ಎಲ್.ಟಿ.ಎಸ್.’ ಪರೀಕ್ಷೆ ವಿಭಾಗದ ವಲಯ ಸಂಯೋಜಕರಾಗಿ ಕಾರ್ಯನಿರ್ವಹಿಸಿದ ಬಿ.ಈ. ಕಿರಣ್ ಅವರು ಇದೀಗ ಸತತವಾಗಿ 2ನೇ ಬಾರಿಗೆ ವಲಯಾಡಳಿತ ಮಂಡಳಿಯಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ. 2016ನೇ ಸಾಲಿನಲ್ಲಿ ಜೆ.ಸಿ.ಐ. ಪೊನ್ನಂಪೇಟೆ ನಿಸರ್ಗ ಘಟಕದ (ನಿಸರ್ಗ ಜೇಸೀಸ್) ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿರುವ ಕಿರಣ್ ಅವರು, ಇದೀಗ ಗೋಣಿಕೊಪ್ಪಲಿನ ಎಂ.ಸಿ.ಸಿ. ಬ್ಯಾಂಕಿನಲ್ಲಿ ಉದ್ಯೋಗಿಯಾಗಿದ್ದಾರೆ. ಇವರು ಗೋಣಿಕೊಪ್ಪಲು ಸಮೀಪದ ಅರುವತೋಕ್ಲುವಿನ ದಿ. ಈಶ್ವರ ಮತ್ತು ಮೀನಾಕ್ಷಿ ದಂಪತಿಗಳ ಪುತ್ರರಾಗಿದ್ದಾರೆ.