ಸಿದ್ದಾಪುರ, ಫೆ. 5: ಜಾನುವಾರಗಳ ಹಾಗೂ ಕಾಡುಕೋಣಗಳ ಮೇಲೆ ಧಾಳಿ ನಡೆಸಿರುವ ವ್ಯಾಘ್ರನನ್ನು ಸೆರೆಹಿಡಿಯಲು ಬೋನ್ ಇರಿಸಲಾಗಿದೆ ಎಂದು ವೀರಾಜಪೇಟೆ ವಲಯ ಎಸಿಎಫ್ ರೋಷಿಣಿ ‘ಶಕ್ತಿ’ಗೆ ತಿಳಿಸಿದ್ದಾರೆ.

ಸಿದ್ದಾಪುರ ಸಮೀಪದ ಚೌಡಿಕಾಡು ಕಾಫಿ ತೋಟ ಹಾಗೂ ಬೀಟಿ ಕಾಡು ಕಾಫಿ ತೋಟಗಳಲ್ಲಿ ದನ ಹಾಗೂ ಕಾಡುಕೋಣವೊಂದನ್ನು ಸಾಯಿಸಿ ಭಾಗಶಃ ತಿಂದಿರುವ ಹುಲಿಯು ಬೀಟಿ ಕಾಡುವಿನ ಹಾಗೂ ಬಾಡಗ ಬಾಣಂಗಾಲ ಗ್ರಾಮದ ಮಟ್ಟಂನಲ್ಲಿ ಜನ ವಸತಿ ಪ್ರದೇಶದಲ್ಲಿ ಕಾಣಿಸಿಕೊಂಡು ಆತಂಕ ಸೃಷ್ಟಿಸಿತ್ತು. ಈ ಹುಲಿಯನ್ನು ಸೆರೆ ಹಿಡಿಯುವ ನಿಟ್ಟಿನಲ್ಲಿ ಎಮ್ಮೆಗುಂಡಿ ತೋಟದಲ್ಲಿ ಬೋನ್ ಇರಿಸಲಾಗಿದ್ದು, ಕ್ಯಾಮೆರಾ ಅಳವಡಿಸಿ ಚಲನವಲನ ಗಮನಿಸಿ ಶೀಘ್ರವೇ ಸೆರೆಹಿಡಿಸಲಾಗುವದೆಂದು ಅಧಿಕಾರಿ ರೋಷಿಣಿ ವಿಶ್ವಾಸ ವ್ಯಕ್ತಪಡಿಸಿದರು. ಈ ಸಂದರ್ಭ ಉಪವಲಯ ಅರಣ್ಯಾಧಿಕಾರಿ ದೇವಯ್ಯ ಅರಣ್ಯ ಸಿಬ್ಬಂದಿಗಳು ಆರ್‍ಆರ್‍ಟಿ ತಂಡ ತಾ.ಪಂ. ಮಾಜಿ ಸದಸ್ಯ ಜಾನ್ಸನ್ ಹಾಜರಿದ್ದರು.