ಸೋಮವಾರಪೇಟೆ, ಫೆ. 17: ಸಮೀಪದ ತೋಳೂರುಶೆಟ್ಟಳ್ಳಿ ಸಹಕಾರ ಭವನದಲ್ಲಿರುವ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ಕಚೇರಿಯೊಳಗೆ ಅಳವಡಿಸಿರುವ ಸ್ಟ್ಯಾಂಡ್‍ನಲ್ಲಿ ಪಕ್ಷಿಯೊಂದು ಸಂಸಾರ ಹೂಡಿದೆ.

ಧರ್ಮಸ್ಥಳದ ಶ್ರೀ ಮಂಜುನಾಥ ಸ್ವಾಮಿ ಮತ್ತು ವೀರೇಂದ್ರ ಹೆಗ್ಗಡೆಯವರ ಭಾವಚಿತ್ರವಿಟ್ಟಿರುವ ಸ್ಟ್ಯಾಂಡ್‍ನಲ್ಲಿ ಪಕ್ಷಿಯೊಂದು ಗೂಡುಕಟ್ಟಿ ಮೊಟ್ಟೆಯಿಟ್ಟಿದ್ದು, ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಲೆಂದು ಸಿಬ್ಬಂದಿ ತೆರಳಿದಾಗ ಈ ವಿಶೇಷ ಕಂಡುಬಂದಿದೆ.