ವೀರಾಜಪೇಟೆ, ಫೆ. 23: ಇಲ್ಲಿನ ಸೆರಿನಿಟಿ ಅತಿಥಿ ಗೃಹದ ಸಭಾಂಗಣದಲ್ಲಿ ಕಾಂಗ್ರೆಸ್ ಪಕ್ಷದ ಕೊಡಗು ವಿಭಾಗದ ವೀಕ್ಷಕ ಧರ್ಮಸೇನ ಹಾಗೂ ವೀಕ್ಷಕ ಬಾಲರಾಜ್ ಅವರು ಟಿಕೆಟ್ ಅಕಾಂಕ್ಷಿಗಳಾದ ಕದ್ದಣಿಯಂಡ ಹರೀಶ್ ಬೋಪಣ್ಣ, ಶಿವು ಮಾದಪ್ಪ, ಸಿ.ಎಸ್. ಅರುಣ್ ಮಾಚಯ್ಯ, ಸರಿತಾ ಪೂಣಚ್ಚ, ಪದ್ಮಿನಿ ಪೊನ್ನಪ್ಪ, ತಾರಾ ಅಯ್ಯಮ್ಮ, ಬಿ.ಎಸ್. ತಮ್ಮಯ್ಯ ಹಾಗೂ ಇಬ್ರಾಹಿಂ ಎಂಟು ಮಂದಿಯನ್ನು ಸಂದರ್ಶಿಸಿದರು. ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.

ವೀಕ್ಷಕ ಬಾಲರಾಜ್ ಮಾತನಾಡಿ ಆಕಾಂಕ್ಷಿಗಳ ಹಾಗೂ ಪ್ರಮುಖ ಕಾರ್ಯಕರ್ತರನ್ನು ಭೇಟಿ ಮಾಡಿ ಅಭ್ಯರ್ಥಿ ಆಯ್ಕೆ ಕುರಿತು ಅಭಿಪ್ರಾಯ ಸಂಗ್ರಹಿಸಲಾಗಿದೆ. ಜಾತ್ಯತೀತವಾಗಿ ಸೂಕ್ತ ಅಭ್ಯರ್ಥಿಗಳನ್ನು ವರಿಷ್ಠರು ಆಯ್ಕೆ ಮಾಡಲಿದ್ದಾರೆ ಎಂದರು. ಪಕ್ಷದ ಜಿಲ್ಲಾಧ್ಯಕ್ಷ ಶಿವು ಮಾದಪ್ಪ ಮಾತನಾಡಿದರು.

ಗೋಷ್ಠಿಯಲ್ಲಿ ವೀರಾಜಪೇಟೆ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಆರ್.ಕೆ. ಅಬ್ದುಲ್ ಸಲಾಂ, ಪೊನ್ನಂಪೇಟೆ ಬ್ಲಾಕ್‍ನ ಧರ್ಮಜ ಉತ್ತಪ್ಪ, ನಾಪೋಕ್ಲು ಬ್ಲಾಕ್‍ನ ರಮಾನಾಥ್, ಅಲ್ಪಸಂಖ್ಯಾತರ ಘಟಕದ ಯೂಸೂಫ್, ಹರೀಶ್ ಬೋಪಣ್ಣ ಮತ್ತಿತರರು ಹಾಜರಿದ್ದರು.