ಗೋಣಿಕೊಪ್ಪ ವರದಿ, ಫೆ. 24: ಮಾಯಮುಡಿ ಗ್ರಾಮದ ಶ್ರೀ ಕಮಟೆ ಮಹಾದೇವರ ವಾರ್ಷಿಕ ಉತ್ಸವವು ತಾ. 25 ರಿಂದ (ಇಂದಿನಿಂದ) ಮಾರ್ಚ್ 1 ರ ವರೆಗೆ ನಡೆಯಲಿದೆ.

ತಾ. 25 ರಂದು ಸಂಜೆ 7 ಕ್ಕೆ ಕೊಡಿ ಮರ ನಿಲ್ಲಿಸುವುದು ನಡೆಯಲಿದೆ. 26 ರಂದು ಈಶ್ವರನಿಗೆ ಬಿಲ್ವ ಪತ್ರಾರ್ಚನೆ ತೂಚಂಬಲಿ ಪೂಜೆ, 27ರಂದು ಕ್ಷೀರಾಭಿಷೇಕ ಮತ್ತು ನವಗ್ರಹ ಹೋಮ ಸಂಜೆ ತೂಚಂಬಲಿ ಪೂಜೆ, 28 ರಂದು ಮೃತ್ಯುಂಜಯ ಹೋಮ, ಸುಬ್ರಮಣ್ಯನಿಗೆ ಕ್ಷೀರಾಭಿಷೇಕ, ಕುಂಕುಮಾರ್ಚನೆ, ನೆರಪು, ಮಾರ್ಚ್ 1 ರಂದು ಮಹಾಪೂಜೆ, ಮದ್ಯಾಹ್ನ ದೇವರ ದರ್ಶನ, ಅಭ್ಯಂಜನ ಮತ್ತು ರಾತ್ರಿ ದೇವರ ನೃತ್ಯ ನಂತರ ವಸಂತ ಪೂಜೆ, ವಿಷ್ಣುಮೂರ್ತಿ ಮತ್ತು ಗುಳಿಗನಿಗೆ ಪೂಜೆ, 2 ರಂದು ನಾಗನಿಗೆ ಪೂಜೆ ಮತ್ತು ರುದ್ರಾಭಿಷೇಕ ಪೂಜೆ ನಡೆಯಲಿದೆ.