ಸೋಮವಾರಪೇಟೆ,ಮಾ.26: ಇಲ್ಲಿಗೆ ಸಮೀಪದ ಸಿದ್ಧಲಿಂಗಪುರ-ಅರಶಿಣಕುಪ್ಪೆ ಗ್ರಾಮದ ಶ್ರೀ ಮಂಜುನಾಥ ಹಾಗೂ ನವನಾಗ ದೇವರ ಸನ್ನಿಧಿಯಲ್ಲಿ ಯುಗಾದಿ ನಂತರ ಹೊಸವರ್ಷದ ಪಂಚಮಿ ಪೂಜೆಯನ್ನು ಆಚರಿಸಲಾಯಿತು.

ನವ ನಾಗಗಳ ಸಾನಿಧ್ಯವಿರುವ ಶ್ರೀಕ್ಷೇತ್ರದಲ್ಲಿ ಗುರುಗಳಾದ ರಾಜೇಶ್‍ನಾಥ್‍ಜೀ ಅವರ ನೇತೃತ್ವದಲ್ಲಿ ಅರ್ಚಕರಾದ ಜಗದೀಶ್ ಉಡುಪ ಹಾಗೂ ವಾದಿರಾಜ ಭಟ್ ಅವರುಗಳು ಪೂಜಾ ಕೈಂಕರ್ಯಗಳನ್ನು ನೆರವೇರಿಸಿದರು. ಪೂಜೆಯಲ್ಲಿ ಸಿದ್ಧಲಿಂಗಪುರ-ಅರಶಿಣಕುಪ್ಪೆ ಸುತ್ತಮುತ್ತಲಿನ ಗ್ರಾಮಸ್ಥರು ಪಾಲ್ಗೊಂಡಿದ್ದರು. ನಂತರ ಭಕ್ತರಿಗೆ ಅನ್ನದಾನ ಏರ್ಪಡಿಸಲಾಗಿತ್ತು.