ಗುಡ್ಡೆಹೊಸೂರು, ಮಾ. 26: ಸಮೀಪದ ಬಾಳುಗೋಡು ಗ್ರಾಮದಲ್ಲಿ ರಾತ್ರಿ 7.45ರ ವೇಳೆಗೆ ಕುಶಾಲನಗರ ಕಡೆಯಿಂದ ಸಿದ್ದಾಪುರ ಮಾರ್ಗದ ಕಡೆ ತೆರಳುತ್ತಿದ್ದ ಮಾರುತಿ ವ್ಯಾನ್ (ಕೆ.ಎ.12.2548) ಮೇಲೆ ಕಾಡಾನೆ ಧಾಳಿ ನಡೆಸಿದೆ ಹೊಸಪಟ್ಟಣ ಗ್ರಾಮದ ನಿವೃತ್ತ ಪೊಲೀಸ್ ಅಧಿಕಾರಿ ಆನಂದ ಅವರು ಸ್ವತಃ ವಾಹನ ಚಾಲಿಸಿಕೊಂಡು ತಮ್ಮ ಮನೆಗೆ ತೆರಳುತ್ತಿದ್ದ ಸಂದರ್ಭ ಘಟನೆ ನಡೆದಿದೆ. ಮೂರು ಆನೆಗಳ ಗುಂಪು ಧಾಳಿ ನಡೆಸಿದ್ದು, ಸ್ಥಳೀಯ ಕೆಲವರು ಸೇರಿ ಬೊಬ್ಬೆ ಹೊಡೆದ ಕಾರಣ ಆನೆಗಳು ಸ್ಥಳದಿಂದ ಕಾಲ್ಕಿತ್ತವು ಎಂದು ಸ್ಥಳೀಯ ನಿವಾಸಿ ಗುಡ್ಡೆಮನೆ ಸುಜಾ ತಿಳಿಸಿದ್ದಾರೆ. ಬಾಳುಗೋಡುವಿನ ಬಸವೇಶ್ವರ ದೇವಸ್ಥಾನದ ಸಮೀಪ ಈ ಘಟನೆ ನಡೆದಿದೆ. ಕಾರಿನಲ್ಲಿ ಆನಂದ ಅವರು ಸೇರಿದಂತೆ ಮೂವರು ಪ್ರಯಾಣಿಕರಿದ್ದು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಸ್ಥಳಕ್ಕೆ ಅರಣ್ಯಾಧಿಕಾರಿಗಳು ಭೇಟಿ ನೀಡಿ ಪರಿಶೀಲಿಸಿದರು.

-ಗಣೇಶ್ ಕುಡೆಕ್ಕಲ್.