ಭಾಗಮಂಡಲ, ಮಾ. 26: ಇಲ್ಲಿನ ಸಣ್ಣಪುಲಿಕೋಟು ಗ್ರಾಮದ ಮಂದತಿರಿಕೆ ಭಗವತಿ ದೇವಾಲದಲ್ಲಿ ಕಳೆದ 5 ದಿನಗಳಿಂದ ಅಷ್ಟಬಂಧ ಬ್ರಹ್ಮಕಲಶೋತ್ಸವ ನಡೆಯುತ್ತಿದ್ದು, ಇಂದು ಭಾಗಮಂಡಲದ ಶ್ರೀ ಕಾವೇರಿ ಆಟೋ ಚಾಲಕ ಮತ್ತು ಮಾಲೀಕರ ಸಂಘದ ಸದಸ್ಯರು ವಿಶೇಷ ಪೂಜೆ ಸಲ್ಲಿಸಿ ಸುಮಾರು 8 ಕೆ.ಜಿ. ತೂಕದ ಘಂಟೆಯನ್ನು ದೇವಾಲಯಕ್ಕೆ ಉದಾರವಾಗಿ ನೀಡಿದರು. ಈ ಸಂದರ್ಭ ಸಂಘದ ಅಧ್ಯಕ್ಷ ಎನ್. ವೆಂಕಟರಮಣ ಹಾಗೂ ಸಂಘದ ಸದಸ್ಯರುಗಳು ದೇವಸ್ಥಾನದ ಆಡಳಿತ ಮಂಡಳಿಯ ಸದಸ್ಯರು ಉಪಸ್ಥಿತರಿದ್ದರು.