ಮಡಿಕೇರಿ, ಮಾ. 27: ಸೌಹಾರ್ದ ಕೊಡಗು ಸಂಘಟನೆಯ ವತಿಯಿಂದ ಹರದಾಸ ಅಪ್ಪಚ್ಚ ಕವಿ -150 ರ ನೆನಪು ಕಾರ್ಯಕ್ರಮವು ತಾ. 29ರಂದು ಪೂರ್ವಾಹ್ನ 10.30ಕ್ಕೆ ಮಡಿಕೇರಿಯ ಬಾಲಭವನದಲ್ಲಿ ನಡೆಯಲಿದೆ ಎಂದು ಸಂಘಟನೆಯ ಮಡಿಕೇರಿ ಸಂಚಾಲಕ ಬೇಬಿಮ್ಯಾಥ್ಯು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ

ಸಭೆಯ ಅಧ್ಯಕ್ಷತೆಯನ್ನು ಸೌಹಾರ್ದ ಕೊಡಗು ಸಂಸ್ಥೆಯ ಪ್ರಧಾನ ಸಂಚಾಲಕ ಡಾ. ಇ.ರಾ. ದುರ್ಗಾ ಪ್ರಸಾದ್ ವಹಿಸಲಿದ್ದಾರೆ. ಕಾರ್ಯಕ್ರಮದ ಉದ್ಘಾಟನೆಯನ್ನು ಕರ್ನಾಟಕ ಕೊಡವ ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷ ಪಿ.ಕೆ.ಪೊನ್ನಪ್ಪ ನೆರವೇರಿಸಲಿದ್ದಾರೆ.

ಮುಖ್ಯ ಭಾಷಣಗಾರರಾಗಿ ಜಿಲ್ಲೆಯ ಹಿರಿಯ ಸಾಹಿತಿ ಕೆ.ಪಿ. ಬಾಲಸುಬ್ರಮಣ್ಯ ಹರದಾಸ ಅಪ್ಪಚ್ಚ ಕವಿಗಳ ಬಗ್ಗೆ ಮಾತನಾಡಲಿದ್ದಾರೆ.