ಸೋಮವಾರಪೇಟೆ,ಮಾ.27: ಸೋಮವಾರಪೇಟೆ ಪಟ್ಟಣದಿಂದ ಹೊಸತೋಟಕ್ಕೆ ತೆರಳುತ್ತಿದ್ದ ಬೈಕ್‍ಗೆ ಕಾರೊಂದು ಡಿಕ್ಕಿಯಾಗಿ ಬೈಕ್ ಚಾಲಕ ತೀವ್ರ ಗಾಯಗೊಂಡಿರುವ ಘಟನೆ ಸಮೀಪದ ಗರಗಂದೂರು ಗ್ರಾಮದಲ್ಲಿ ನಡೆದಿದೆ.

ಹೊಸತೋಟ ಗ್ರಾಮದ ಸುನಿಲ್ ಅವರ ಸಂಬಂಧಿ ಅಶ್ವಥ್ ಅವರು ಚಾಲಿಸುತ್ತಿದ್ದ ಬೈಕ್‍ಗೆ ಎದುರು ಭಾಗದಿಂದ ಆಗಮಿಸಿದ ಕಾರು (ಕೆ.ಎ. 03 ಸಿ.6971) ಡಿಕ್ಕಿಯಾಗಿದ್ದು, ಬೈಕ್ ಸವಾರನಿಗೆ ಗಾಯಗಳಾಗಿವೆ. ಗಾಯಾಳು ಅಶ್ವಥ್ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆದಿದ್ದು, ಸೋಮವಾರಪೇಟೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.