ಮಡಿಕೇರಿ, ಏ. 8: ಇಲ್ಲಿನ ಅಶೋಕಪುರದ ಸಂತೋಷ್ ಯುವಕ ಸಂಘ ಮತ್ತು ಅನ್ನಪೂರ್ಣೇಶ್ವರಿ ದೇವಾಲಯ ಸಮಿತಿ ವತಿಯಿಂದ ಡಾ. ಬಿ.ಆರ್. ಅಂಬೇಡ್ಕರ್ ಜನ್ಮ ದಿನೋತ್ಸವದ ಆಚರಣೆ ಅಂಗವಾಗಿ ಮಕ್ಕಳಿಗೆ ರಸ್ತೆ ಓಟ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು. 1 ರಿಂದ 10ನೇ ತರಗತಿಯ ಮಕ್ಕಳು ಪಾಲ್ಗೊಂಡಿದ್ದರು.

ಸಂಘದ ಸದಸ್ಯರುಗಳಿಗೆ ಕ್ರಿಕೆಟ್, ವಾಲಿಬಾಲ್, ಮಹಿಳೆಯರಿಗೆ ವಿಷದ ಚೆಂಡು, ಥ್ರೋಬಾಲ್ ಪಂದ್ಯಾವಳಿ ಗಳನ್ನು ಕೂಡ ಏರ್ಪಡಿಸಲಾಗಿತ್ತು. ಹೆಚ್ಚಿನ ಸಂಖ್ಯೆಯಲ್ಲಿ ಮಹಿಳೆಯರು, ಮಕ್ಕಳು, ಸದಸ್ಯರುಗಳು ಭಾಗವಹಿಸಿ ಆಟೋಟವನ್ನು ಯಶಸ್ವಿಗೊಳಿಸಿದರು. ಪಂದ್ಯಾವಳಿಯ ಉದ್ಘಾಟನೆಯನ್ನು ಊರಿನ ಅಧ್ಯಕ್ಷ ಜಯರಾಂ ನೆರವೇರಿಸಿದರು. ಕ್ರಿಕೆಟ್ ಮತ್ತು ವಾಲಿಬಾಲ್ ಫೈನಲ್ ಪಂದ್ಯಾಟ ತಾ. 14 ರಂದು ಡಾ. ಬಿ.ಆರ್. ಅಂಬೇಡ್ಕರ್ ಜಯಂತಿ ದಿನ ಹಗಲು 10 ಗಂಟೆಗೆ ನಡೆಯಲಿದೆ.