ನಾಪೋಕ್ಲು, ಏ. 8: ಇಲ್ಲಿಗೆ ಸಮೀಪದ ಚೆರಿಯಪರಂಬುವಿನ ಒ.ಎಸ್‍ಎಫ್. ಮುಹಿಯ್ಯದ್ದಿನ್ ಜುಮ್ಮಾ ಮಶ್ಚಿದ್ ಹಳೆ ವಿದ್ಯಾರ್ಥಿ ಸಂಘದ ವತಿಯಿಂದ ತಾ 9ರಂದು(ಇಂದು) ಒಂದು ದಿನದ ಮತಪ್ರವಚನ ಹಾಗೂ ಸ್ವಲಾತ್‍ಮಜ್‍ಲೀಸ್ ನಡೆಯಲಿದೆ. ಚೆರಿಯಪರಂಬು ದರ್ಗಾ ವಠಾರದಲ್ಲಿ ಅಂದು ಸಂಜೆ 7ಗಂಟೆಗೆ ನಡೆಯಲಿರುವ ಕಾರ್ಯಕ್ರಮವನ್ನು ಚೆರಿಯಪರಂಬುವಿನ ಖತಿಬ ಹನೀಫ ಪಾಳಿನಿ ಉದ್ಘಾಟಿಸಲಿರುವರು. ಓಎಸ್‍ಎಫ್ ಅಧ್ಯಕ್ಷ ಮಹರೋಫ್ ಪರವಂಡ ಅಧ್ಯಕ್ಷತೆ ವಹಿಸಲಿರುವರು. ಮುಖ್ಯ ಭಾಷಣವನ್ನು ವಹಾಬ್ ನೇಹಿನಿ ಕೊಲ್ಲಂ ಮಾಡಲಿರುವರು. ಅತಿಥಿಗಳಾಗಿ ಒಎಸ್‍ಎಫ್ ಪ್ರಧಾನ ಕಾರ್ಯದರ್ಶಿ ಶಾನಿದ್ ಕೆ.ಯು., ಚೆರಿಯಪರಂಬು ಜಮಾಯತ್ ಅಧ್ಯಕ್ಷ ಬಶೀರ್ ಹಾಜಿ ಪ್ರಧಾನ ಕಾರ್ಯದರ್ಶಿ ಪಿ.ಎಂ. ಅಬ್ದುಲ್‍ಕರೀಂ, ನಾಪೋಕ್ಲು ಜಮಾಯತ್ ಅಧ್ಯಕ್ಷ ಇಬ್ರಾಹಿಂ ಎಂ.ಎಚ್. ಮತ್ತಿತರರು ಪಾಲ್ಗೊಳ್ಳಲಿರುವರು ಎಂದು ಪ್ರಕಟಣೆ ತಿಳಿಸಿದೆ.