ಮಡಿಕೇರಿ, ಏ. 13: ಮೂರ್ನಾಡು ವಿಗೆ ಸಮೀಪದ ಹೊದ್ದೂರುವಿನ ಶ್ರೀ ಅಯ್ಯಪ್ಪ ಕಾಲೋನಿಯಲ್ಲಿರುವ ಪಾಷಾಣಮೂರ್ತಿ ದೇವಿಯ ವಾರ್ಷಿಕ ಉತ್ಸವ ತಾ. 18, 19 ರಂದು ನಡೆಯಲಿದೆ.

ಈ ಪ್ರಯುಕ್ತ ತಾ. 18 ರಂದು ಬೆಳಿಗ್ಗೆ 6 ಗಂಟೆಗೆ ಸ್ಥಳ ಶುದ್ಧಿ, 7ಕ್ಕೆ ಗಣಪತಿ ಹೋಮ, ಸಂಜೆ 5 ರಿಂದ 7 ರವರೆಗೆ ಪುತ್ತೂರಿನ ಸಂತೋಷ್ ರೈ ತಂಡದವರಿಂದ ಭಜನೆ ನಡೆಯಲಿದೆ. ಬಳಿಕ ಭಂಡಾರ ತೆಗೆಯುವದು, ರಾತ್ರಿ 8ಕ್ಕೆ ಅನ್ನದಾನ, 9 ಗಂಟೆಯ ನಂತರ ಶ್ರೀ ಅಣ್ಣಪ್ಪ ಪಂಜುರ್ಲಿಯ ನೇಮೋತ್ಸವ, 11 ಗಂಟೆಯ ನಂತರ ಪಾಷಾಣಮೂರ್ತಿ ದೈವದ ನೇಮೋತ್ಸವ ನಡೆಯಲಿದೆ ಎಂದು ದೇವಾಲಯದ ಪ್ರಕಟಣೆ ತಿಳಿಸಿದೆ.