ಮಡಿಕೇರಿ, ಏ. 14: ಕಾಲೂರು ಶ್ರೀ ರಾಘವೇಂದ್ರ ಯುವಕ ಸಂಘದ ವತಿಯಿಂದ ತಾ. 24 ರಂದು ಗ್ರಾಮೀಣ ಕ್ರೀಡಾಕೂಟ ಹಾಗೂ ವಾಲಿಬಾಲ್ ಪಂದ್ಯಾಟ ಏರ್ಪಡಿಸಲಾಗಿದೆ. ಕೋಳುಮಾಡಂಡ ಸುರೇಶ್ ಗದ್ದೆಯಲ್ಲಿ ಪಂದ್ಯಾಟದೊಂದಿಗೆ ಇತರ ಸ್ಪರ್ಧೆಗಳನ್ನು ಹಮ್ಮಿಕೊಳ್ಳಲಾಗಿದೆ.

ವಾಲಿಬಾಲ್ ಪಂದ್ಯಾಟ ವಿಜೇತರಿಗೆ ರೂ. 8 ಸಾವಿರ ನಗದು ಹಾಗೂ ಟ್ರೋಫಿ, ದ್ವಿತೀಯ ಬಹುಮಾನ ರೂ. 5 ಸಾವಿರ ಹಾಗೂ ಟ್ರೋಫಿ ನೀಡಲಾಗುವದು ಎಂದು ಸಂಘ ತಿಳಿಸಿದೆ. ಪಂದ್ಯಾಟದ ಸಮಾರೋಪ ಸಮಾರಂಭ ಸಾಹಿತಿ ನಾಗೇಶ್ ಕಾಲೂರು ಅಧ್ಯಕ್ಷತೆಯಲ್ಲಿ ನಡೆಯಲಿದ್ದು, ಜಿಲ್ಲೆಯ ಜನಪ್ರತಿನಿಧಿಗಳು ಹಾಗೂ ದಾನಿಗಳು ಪಾಲ್ಗೊಳ್ಳಲಿದ್ದಾರೆ. ವಾಲಿಬಾಲ್ ಪಂದ್ಯಾಟದೊಂದಿಗೆ ಅಂಗನವಾಡಿ ಮಕ್ಕಳಿಗೆ ಕಾಳು ಹೆಕ್ಕುವದು, ಶಾಲಾ ಮಕ್ಕಳ ಸಹಿತ ಸಾರ್ವಜನಿಕರಿಗೆ ಓಟ, ಹಗ್ಗಜಗ್ಗಾಟ, ಬಾರದ ಗುಂಡು ಎಸೆಯುವದು, ಸಂಗೀತ ಖುರ್ಚಿ, ಬಕೆಟ್‍ಗೆ ಚೆಂಡು ಹಾಕುವದು ಇತ್ಯಾದಿ ಸ್ಪರ್ಧೆ ಏರ್ಪಡಿಸಲಾಗಿದೆ.