*ಗೋಣಿಕೊಪ್ಪಲು, ಏ. 17: ಅಂಗನವಾಡಿ ಸಹಾಯಕಿ ಮೇಲೆ ಕಾಫಿ ಬೆಳೆಗಾರರೊಬ್ಬರ ಪತ್ನಿ ಹಲ್ಲೆ ನಡೆಸಿ ಗಾಯಗೊಳಿಸಿರುವ ಘಟನೆ ಕೋಣನಕಟ್ಟೆಯಲ್ಲಿ ಮಂಗಳವಾರ ಜರುಗಿದೆ. ಕೋಣನಕಟ್ಟೆ ಅಂಗನವಾಡಿ 2ರಲ್ಲಿ ಸಹಾಯಕಿಯಾಗಿ ಕೆಲಸ ನಿರ್ವವಹಿಸುತ್ತಿದ್ದ ಸುಮಿತ್ರಾ (40) ಹಲ್ಲೆಗೆ ಒಳಗಾದ ಮಹಿಳೆ. ಕೋಣನಕಟ್ಟೆ ನಿವಾಸಿ ಪಿ. ರಾಯ್ ಎಂಬವರ ಪತ್ನಿ ಅಂಗನವಾಡಿಗೆ ಬಂದು ಕ್ಷುಲ್ಲಕ ಕಾರಣಕ್ಕೆ ಕೊಡೆಯಿಂದ ಹಲ್ಲೆ ನಡೆಸಿದರು ಎನ್ನಲಾಗಿದೆ. ಮುಖದ ಭಾಗಕ್ಕೆ ಗಾಯಗೊಂಡಿರುವ ಸುಮಿತ್ರಾ ಪೊನ್ನಂಪೇಟೆ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಸಬ್‍ಇನ್ಸ್‍ಪೆಕ್ಟರ್ ಮಹೇಶ್ ಹಾಗೂ ಚಂದ್ರು ಪರಿಶೀಲಿಸಿ ಮೊಕದ್ದಮೆ ದಾಖಲಿಸಿದ್ದಾರೆ.