ನಾಪೆÇೀಕ್ಲು, ಏ. 18: ನಾಪೆÇೀಕ್ಲು ಜನರಲ್ ಕೆ.ಎಸ್. ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಕೊಡವ ಕುಟುಂಬಗಳ ನಡುವಿನ ಕುಲ್ಲೇಟಿರ ಕಪ್ ಹಾಕಿ ನಮ್ಮೆಯ ಮೂರನೇ ದಿನದ ಪಂದ್ಯಾಟದಲ್ಲಿ 12 ತಂಡಗಳು ಮುನ್ನಡೆ ಸಾಧಿಸಿವೆ.

ಬುಧವಾರ ನಡೆದ ಪಂದ್ಯಾಟದಲ್ಲಿ ಮೊಣ್ಣಂಡ, ಮಲ್ಲಂಗಡ, ಬಟ್ಟೀರ, ಕರವಂಡ, ಕೇಳಪ್ಪಂಡ, ತೀತಿಮಡ, ತಿರೋಡಿರ, ತಂಬುಕುತ್ತಿರ, ಕಾಂಡೆರ, ಮಂಡಂಗಡ, ಕುಂಡ್ಯೋಳಂಡ, ಚೌರೀರ (ಹೊದವಾಡ) ತಂಡಗಳು ಮುಂದಿನ ಸುತ್ತು ಪ್ರವೇಶಿಸಿವೆ.

ಮೊಣ್ಣಂಡ ಮತ್ತು ನಿಡುಮಂಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಮೊಣ್ಣಂಡ ತಂಡವು ನಿಡುಮಂಡ ತಂಡವನ್ನು 4-0 ಗೋಲಿನಿಂದ ಮಣಿಸಿತು. ಮೊಣ್ಣಂಡ ತಂಡದ ಪರ ನಿತಿನ್ ಮೂರು ಗೋಲು ದಾಖಲಿಸಿದರೆ, ತಶಮೈ ಒಂದು ಗೋಲು ದಾಖಲಿಸಿ ತಂಡದ ಗೆಲುವಿಗೆ ಕಾರಣರಾದರು. ಮಲ್ಲಂಗಡ ಮತ್ತು ಕುಂದಿರ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಮಲ್ಲಂಗಡ ತಂಡವು ಕುಂದಿರ ತಂಡವನ್ನು 4-0 ಗೋಲಿನಿಂದ ಸೋಲಿಸಿತು.

ಮಲ್ಲಂಗಡ ತಂಡದ ಪರ ಆಕಾಶ್ ಮೂರು ಗೋಲು, ನೀಲ್ ಒಂದು ಗೋಲು ದಾಖಲಿಸಿದರು. ಮಲ್ಲೇಂಗಡ ಮತ್ತು ಬಟ್ಟೀರ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಬಟ್ಟೀರ ತಂಡವು ಮಲ್ಲೇಂಗಡ ತಂಡವನ್ನು 1-0 ಗೋಲಿನ ಅಂತರದಿಂದ ಮಣಿಸಿತು. ಬಟ್ಟೀರ ತಂಡದ ಪರ ಬೋಪಣ್ಣ ಒಂದು ಗೋಲು ದಾಖಲಿಸಿ ತಂಡದ ಗೆಲುವಿಗೆ ಕಾರಣರಾದರು. ಕರವಂಡ ಮತ್ತು ನಂಬಡಮಂಡ ತಂಡಗಳ ನಡುವಿನ ಪಂದ್ಯದಲ್ಲಿ ಕರವಂಡ ತಂಡವು ನಂಬಡಮಂಡ ತಂಡವನ್ನು 1-0 ಗೋಲಿನಿಂದ ಸೋಲಿಸಿತು. ಕರವಂಡ ತಂಡದ ಪರ ಸರು ಸೋಮಣ್ಣ ಗೋಲು ದಾಖಲಿಸಿ ತಂಡದ ಗೆಲುವಿಗೆ ಕಾರಣರಾದರು.

ಕೇಳಪ್ಪಂಡ ಮತ್ತು ಪುಲ್ಲೇರ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಕೇಳಪ್ಪಂಡ ತಂಡವು ಪುಲ್ಲೇರ ತಂಡವನ್ನು 2-0 ಗೋಲಿನ ಅಂತರದಿಂದ ಮಣಿಸಿತು. ಕೇಳಪ್ಪಂಡ ತಂಡದ ಪರ ಸಿರಾಗ್ ಎರಡು ಗೋಲು ದಾಖಲಿಸಿ ತಂಡದ ಗೆಲುವಿಗೆ ಕಾರಣರಾದರು. ತೀತಿಮಡ ಮತ್ತು ಮುಂಡಂಡ ತಂಡದ ನಡುವಿನ ಪಂದ್ಯದಲ್ಲಿ ತೀತಿಮಡ ತಂಡವು ಮುಂಡಂಡ ತಂಡವನ್ನು 3-0 ಗೋಲಿನ ಅಂತರದಿಂದ ಸೋಲಿಸಿತು. ತೀತಿಮಡ ತಂಡದ ಪರ ಪ್ರಜ್ವಲ್ ಬೋಪಯ್ಯ ಎರಡು ಮತ್ತು ಸುಶಾನ್ ಬಿದ್ದಪ್ಪ ಒಂದು ಗೋಲು ದಾಖಲಿಸಿದರು.

ತಿರೋಡಿರ ಮತ್ತು ಜಬ್ಬಂಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ತಿರೋಡಿರ ತಂಡವು ಜಬ್ಬಂಡ ತಂಡವನ್ನು 3-0 ಗೋಲಿನ ಅಂತರದಿಂದ ಮಣಿಸಿತು. ತಿರೋಡಿರ ತಂಡದ ಪರ ಮುದ್ದಪ್ಪ, ಮನೋಜ್, ನಿಲೂಪ್ ತಲಾ ಒಂದೊಂದು ಗೋಲು ದಾಖಲಿಸಿ ತಂಡದ ಗೆಲುವಿಗೆ ಕಾರಣರಾದರು. ತಂಬುಕುತ್ತಿರ ಮತ್ತು ಅಯ್ಯನೆರವಂಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ತಂಬುಕುತ್ತಿರ ತಂಡವು ಅಯ್ಯನೆರವಂಡ ತಂಡವನ್ನು 2-0 ಗೋಲಿನ ಅಂತರದಿಂದ ಮಣಿಸಿತು.

ತಂಬುಕುತ್ತಿರ ತಂಡದ ಪರ ಲವ ನಾಣಯ್ಯ, ಸುಕೇಶ್ ತಿಮ್ಮಯ್ಯ ಗೋಲು ದಾಖಲಿಸುವದರ ಮೂಲಕ ತಂಡದ ಗೆಲುವಿಗೆ ಕಾರಣರಾದರು. ಚೆನ್ನಪ್ಪಂಡ ಮತ್ತು ಚೌರೀರ (ಹೊದವಾಡ) ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಚೌರೀರ ತಂಡವು ಚೆನ್ನಪ್ಪಂಡ ತಂಡವನ್ನು 1-0 ಗೋಲಿನ ಅಂತರದಿಂದ ಮಣಿಸಿತು. ಚೌರೀರ ತಂಡದ ಪರ ಪ್ರತಾಪ್ ಒಂದು ಗೋಲು ದಾಖಲಿಸಿದರು.

ಕಾಂಡೆರ ಮತ್ತು ಪಟ್ರಂಗಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಕಾಂಡೆರ ತಂಡವು ಪಟ್ರಂಗಡ ತಂಡವನ್ನು 6-0 ಗೋಲಿನಿಂದ ಮಣಿಸಿತು. ಕಾಂಡೆರ ತಂಡದ ಪರ ರೋಹನ್ ತಿಮ್ಮಯ್ಯ ಎರಡು ಗೋಲು, ರಜತ್, ದೀಕ್ಷಿತ್, ಸಜನ್, ಬಾದಲ್ ತಲಾ ಒಂದೊಂದು ಗೋಲು ದಾಖಲಿಸುವದರ ಮೂಲಕ ತಂಡದ ಗೆಲುವಿಗೆ ಕಾರಣರಾದರು. ಮಂಡಂಗಡ ಮತ್ತು ಕಾಣತಂಡ ತಂಡಗಳ ನಡುವಿನ ಪಂದ್ಯದಲ್ಲಿ ಮಂಡಂಗಡ ತಂಡವು ಕಾಣತಂಡ ತಂಡವನ್ನು ಟೈ ಬ್ರೇಕರ್‍ನಿಂದ ಪರಾಭವಗೊಳಿಸಿತು.

ಕುಂಡ್ಯೋಳಂಡ ಮತ್ತು ಓಡಿಯಂಡ ತಂಡಗಳ ನಡುವಿನ ಪಂದ್ಯದಲ್ಲಿ ಕುಂಡ್ಯೋಳಂಡ ತಂಡವು ಓಡಿಯಂಡ ತಂಡವನ್ನು 4-1 ಗೋಲಿನಿಂದ ಸೋಲಿಸಿತು. ಕುಂಡ್ಯೋಳಂಡ ತಂಡದ ಪರ ಬಿಪಿನ್ ಬೆಳ್ಯಪ್ಪ, ಗಗನ್ ಗಣಪತಿ, ಸಾಗರ್ ಪೆÇನ್ನಪ್ಪ, ಚೇತನ್ ಮಾದಪ್ಪ ತಲಾ ಒಂದೊಂದು ಗೋಲು ದಾಖಲಿಸಿದರೆ, ಓಡಿಯಂಡ ತಂಡದ ಪರ ಮಂಜು ಮಂದಣ್ಣ ಒಂದು ಗೋಲು ದಾಖಲಿಸಿದರು.

ಗಮನ ಸೆಳೆದ ಮಹಿಳೆಯರು: ಜಬ್ಬಂಡ ತಂಡದ ಪರ 50ರ ಪ್ರಾಯದ ಇಬ್ಬರು ಮಹಿಳೆಯರು ಆಟವಾಡಿ ಎಲ್ಲರ ಗಮನ ಸೆಳೆದರು. ಹಾಗೆಯೇ ಈ ಕುಟುಂಬ ತಂಡವು ಮೊದಲ ಬಾರಿಗೆ ಕೊಡವ ಹಾಕಿ ನಮ್ಮೆಯಲ್ಲಿ ಭಾಗವಹಿಸಿದ್ದು, 9 ಜನ ಆಟಗಾರರು ಪಾಲ್ಗೊಂಡಿದ್ದರು.