ಸೋಮವಾರಪೇಟೆ, ಏ.19: ನಂದಿ ಮರದ ನಾಟಾಗಳನ್ನು ಅಕ್ರಮವಾಗಿ ಸಾಗಿಸುತ್ತಿದ್ದ ಪ್ರಕರಣವನ್ನು ಪತ್ತೆಹಚ್ಚಿರುವ ಅರಣ್ಯ ಇಲಾಖಾ ಸಿಬ್ಬಂದಿಗಳು, ಈರ್ವರು ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ತೋಳೂರುಶೆಟ್ಟಳ್ಳಿ ಗ್ರಾಮದಿಂದ ಬೊಲೆರೋ ಪಿಕಪ್ ವಾಹನದಲ್ಲಿ ಹೊಳೆನರಸೀಪುರದ ಮರಮಿಲ್ಲಿಗೆ 1ಲಕ್ಷ ರೂ ಮೌಲ್ಯದ ನಂದಿ ಮರದ ನಾಟಾಗಳನ್ನು ಸಾಗಿಸುತ್ತಿದ್ದ ತೋಳೂರುಶೆಟ್ಟಳ್ಳಿ ಗ್ರಾಮದ ಟಿ.ಕೆ.ಕಾಂತರಾಜ್ ಮತ್ತು ಮಧುಸಾಗರ್ ಅವರುಗಳನ್ನು ತೋಳೂರುಶೆಟ್ಟಳ್ಳಿ ಮುಖ್ಯರಸ್ತೆಯಲ್ಲಿ ವಾಹನ ಸಮೇತ ಬಂಧಿಸಲಾಗಿದೆ. ಎಸಿಎಫ್ ಚಿಣ್ಣಪ್ಪ, ಮಾರ್ಗದರ್ಶನದಲ್ಲಿ ಆರ್‍ಎಫ್‍ಒ ಲಕ್ಷ್ಮೀಕಾಂತ್, ಡಿಆರ್‍ಎಫ್‍ಒ ವೈ.ಕೆ. ಜಗದೀಶ್, ಅರಣ್ಯ ರಕ್ಷಕರಾದ ಶ್ರೀಕಾಂತ್, ಪಿ.ಕೆ.ಚೇತನ್, ಸಿಬ್ಬಂದಿಗಳಾದ ಮಂಜುನಾಥ್, ರಮೇಶ್, ರಂಗಸ್ವಾಮಿ, ಚಾಲಕ ಸಂದೀಪ್ ಕುಮಾರ್ ಕಾರ್ಯಾಚರಣೆ ನಡೆಸಿದರು.