ಸೋಮವಾರಪೇಟೆ, ಏ.19: ಇಲ್ಲಿನ ಮಹದೇಶ್ವರ ಬಡಾವಣೆಯ ಶ್ರೀ ಮುನೀಶ್ವರ ಮತ್ತು ಚಾಮುಂಡೇಶ್ವರಿ ದೇವಾಲಯದ ಪ್ರತಿಷ್ಠಾಪನಾ ಮಹೋತ್ಸವಕ್ಕೆ ಚಾಲನೆ ನೀಡಲಾಯಿತು. ಗುರುವಾರ ಬೆಳಿಗ್ಗೆಯಿಂದ ವಿಶೇಷ ಪೂಜಾ ಕಾರ್ಯಕ್ರಮಗಳು ನಡೆದವು. ರಾಕ್ಷೋಘ್ನ, ಹೋಮ, ಅಘೋಶಾಸ್ತ್ರ ಹೋಮ, ವಾಸ್ತುಬಲಿ, ದಿಕ್‍ಬಲಿ, ಅದಿವಾಸ ಪೂಜೆಗಳು ನಡೆದವು. ಅರ್ಚಕ ಕೆ.ಜೆ. ಜಗದೀಶ್ ಉಡುಪವರ ನೇತೃತ್ವದಲ್ಲಿ ಪೂಜಾ ಕೈಂಕರ್ಯಗಳು ನಡೆದವು.

ಇಂದಿನ ಕಾರ್ಯಕ್ರಮ: ತಾ.20ರಂದು ಬೆಳಗ್ಗೆ 5.30ರಿಂದ ಪ್ರತಿಷ್ಠಾ ಹೋಮ, ಶ್ರೀ ಮುನೀಶ್ವರ ಹಾಗೂ ಚಾಮುಂಡೇಶ್ವರಿ ಮೂರ್ತಿ ಬಿಂಬಗಳ ಪ್ರತಿಷ್ಠಾಪನೆ, ಕಲಶಾಭಿಷೇಕ, ಮಹಾಪೂಜೆ ನಡೆಯಲಿದೆ. ಮಧ್ಯಾಹ್ನ ಅನ್ನದಾನದ ವ್ಯವಸ್ಥೆ ಇದೆ. ಸಂಜೆ 6ರಿಂದ 8 ರವರೆಗೆ ಭಗವತಿ ಸೇವೆ ಹಾಗೂ ಪಂಚ ದುರ್ಗಾದೀಪ ನಮಸ್ಕಾರ ಪೂಜೆ ನಡೆಯಲಿದೆ.