ಮಡಿಕೇರಿ, ಏ. 21: ಹತ್ತು ಕುಟುಂಬ ಹದಿನೆಂಟು ಗೊತ್ರದ ಗೌಡ ಜನಾಂಗದ ನಡುವೆ ಇಲ್ಲಿನ ಜ. ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ಕೊಡಗು ಗೌಡ ಯುವ ವೇದಿಕೆ ಆಶ್ರಯದಲ್ಲಿ ನಡೆಯುತ್ತಿರುವ ಚೆರಿಯಮನೆ ಕ್ರಿಕೆಟ್ ಹಬ್ಬದಲ್ಲಿ ಬೈಮನ ಹಾಗೂ ಬೊಳ್ಳುಮಾನಿ ತಂಡಗಳು ಪ್ರಿ ಕ್ವಾರ್ಟರ್ ಫೈನಲ್ ಹಂತಕ್ಕೆ ಪ್ರವೇಶಿಸಿವೆ.

ಇಂದು ನಡೆದ ಪಂದ್ಯಾವಳಿಯಲ್ಲಿ ಚೆರಿಯಮನೆ ಬಿ ತಂಡ 6 ವಿಕೆಟ್‍ಗೆ 49 ರನ್ ಗಳಿಸಿದರೆ, ಎಡಿಕೇರಿ ಬಿ ತಂಡ ಒಂದು ವಿಕೆಟ್ ನಷ್ಟದಲ್ಲಿ ಗುರಿ ತಲಪಿತು. ಕೇನೇರ ತಂಡ 8 ವಿಕೆಟ್‍ಗೆ 58 ರನ್ ಗಳಿಸಿದರೆ, ಮುಕ್ಕಾಟಿ ತಂಡ 5 ವಿಕೆಟ್ ನಷ್ಟದಲ್ಲಿ ಗುರಿ ತಲಪಿತು. ನೂಜಿಬೈಲು ತಂಡ 3 ವಿಕೆಟ್‍ಗೆ 76 ರನ್ ಗಳಿಸಿದರೆ, ಕಾಳೆಯಂಡ ತಂಡ 5 ವಿಕೆಟ್‍ಗೆ 68 ರನ್ ಗಳಿಸಿ, 8 ರನ್‍ಗಳ ಅಂತರದಿಂದ ಸೋಲನುಭವಿಸಿತು. ನಿಡ್ಯಮಲೆ ಬಿ ತಂಡ 7 ವಿಕೆಟ್‍ಗೆ 82 ರನ್ ಗಳಿಸಿದರೆ, ಬಳಪದ ತಂಡ 5 ವಿಕೆಟ್‍ಗೆ 43 ರನ್ ಮಾತ್ರ ಗಳಿಸಿ, 39 ರನ್‍ಗಳ ಅಂತರದಿಂದ ಸೋಲನುಭವಿಸಿತು. ಬೊಳ್ಳುಮಾನಿ ತಂಡ 6 ವಿಕೆಟ್‍ಗೆ 60 ರನ್ ಗಳಿಸಿದರೆ, ಹೊಸೂರು ಬಿ ತಂಡ ಎಲ್ಲಾ ವಿಕೆಟ್ ಕಳೆದುಕೊಂಡು 38 ರನ್ ಮಾತ್ರ ಗಳಿಸಿ, 22 ರನ್‍ಗಳ ಅಂತರದಿಂದ ಸೋಲನುಭವಿಸಿತು.

ಪಾಲಾರ್ ತಂಡ 9 ವಿಕೆಟ್‍ಗೆ 40 ರನ್ ಗಳಿಸಿದರೆ, ಬೈಮನ ಬಿ ತಂಡ ಒಂದು ವಿಕೆಟ್ ನಷ್ಟದಲ್ಲಿ ಗುರಿ ತಲಪಿತು. ನೂಜಿಬೈಲು ತಂಡ 9 ವಿಕೆಟ್‍ಗೆ 37 ರನ್ ಗಳಿಸಿದರೆ, ಎಡಿಕೇರಿ ಬಿ ತಂಡ 8 ವಿಕೆಟ್ ನಷ್ಟದಲ್ಲಿ ಗುರಿ ಸಾಧಿಸಿತು. ನಿಡ್ಯಮಲೆ ಬಿ ತಂಡ 6 ವಿಕೆಟ್‍ಗೆ 85 ರನ್ ಗಳಿಸಿದರೆ, ಮುಕ್ಕಾಟಿ ತಂಡ 4 ವಿಕೆಟ್‍ಗೆ 53 ರನ್ ಗಳಿಸಿ 32 ರನ್‍ಗಳ ಅಂತರದಿಂದ ಸೋಲನುಭವಿಸಿತು. ಕೇಟೋಳಿ ತಂಡ 6 ವಿಕೆಟ್‍ಗೆ 71 ರನ್ ಗಳಿಸಿದರೆ, ಮುದಿಯಾರು ತಂಡ ಯಾವದೇ ವಿಕೆಟ್ ನಷ್ಟವಿಲ್ಲದೆ ಗುರಿ ಸಾಧಿಸಿತು.

ಮುಕ್ಕಾಟಿ (ಕೈಕೇರಿ) ತಂಡ 4 ವಿಕೆಟ್‍ಗೆ 86 ರನ್ ಗಳಿಸಿದರೆ, ಪಾರೆಪಾಡಿ ತಂಡ 7 ವಿಕೆಟ್‍ಗೆ 64 ರನ್ ಗಳಿಸಿ 22 ರನ್‍ಗಳ ಅಂತರದಿಂದ ಸೋಲನುಭವಿಸಿತು. ಬೊಳ್ಳುಮಾನಿ ತಂಡ 9 ವಿಕೆಟ್‍ಗೆ 39 ರನ್ ಗಳಿಸಿದರೆ, ಎಡಿಕೇರಿ ಬಿ ತಂಡ 6 ವಿಕೆಟ್‍ಗೆ 37 ರನ್ ಗಳಿಸಿ ಕೇವಲ 2 ರನ್‍ಗಳ ಅಂತರದಿಂದ ಸೋಲನುಭವಿಸಿತು. ನಿಡ್ಯಮಲೆ ಬಿ ತಂಡ 9 ವಿಕೆಟ್‍ಗೆ 34 ರನ್ ಗಳಿಸಿದರೆ, ಬೈಮನ ಬಿ ತಂಡ ಒಂದು ವಿಕೆಟ್ ನಷ್ಟದಲ್ಲಿ ಗುರಿ ತಲಪಿತು.