ಗೋಣಿಕೊಪ್ಪ ವರದಿ, ಏ. 21: ಹಾಕಿ ಇಂಡಿಯ ಸಹಯೋಗದಲ್ಲಿ ಮಧ್ಯಪ್ರದೇಶದ ಭೂಪಾಲ್‍ನಲ್ಲಿ ಆರಂಭಗೊಂಡಿರುವ ಬಾಲಕರ ಜೂನಿಯರ್ ಇಂಡಿಯಾ ನ್ಯಾಷನಲ್ ಚಾಂಪಿಯನ್‍ಶಿಪ್‍ನಲ್ಲಿ ಹಾಕಿ ಕೂರ್ಗ್ ತಂಡವು ತ್ರಿಪುರ ವಿರುದ್ದ 26 ಗೋಲುಗಳ ಭರ್ಜರಿ ಗೆಲುವು ದಾಖಲಿಸಿದೆ. ತ್ರಿಪುರ ವಿರುದ್ದ 26-0 ಗೋಲುಗಳ ಜಯ ಸಾಧಿಸಿತು. ಪಂದ್ಯದ ಉದ್ದಕ್ಕೂ ಗೋಲು ದಾಖಲಿಸಿದ ಕೂರ್ಗ್ ತಂಡ ತಾವು ಗೋಲು ದಾಖಲಿಸಿಕೊಳ್ಳದೆ ಸಾಧನೆ ಮಾಡಿತು. ತಂಡದ ಪರವಾಗಿ ಯತೀಶ್‍ಕುಮಾರ್ 6, ದೀಪಕ್ ಯಾದವ್ 5, ರಾಬಿನ್‍ಸನ್ 4, ಪರವಮಜೀತ್ 4, ಆಶಿಕ್ ಉತ್ತಪ್ಪ 3, ಸೋಮಯ್ಯ 2, ಮೋಕ್ಷಿತ್ ಹಾಗೂ ಫಾಹದ್ ತಲಾ ಒಂದೊಂದು ಗೋಲು ಹೊಡೆದರು.