ನಾಪೆÇೀಕ್ಲು, ಏ. 21: ನಾಪೆÇೀಕ್ಲು ಜನರಲ್ ಕೆ.ಎಸ್.ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಕೊಡವ ಕುಟುಂಬಗಳ ನಡುವಿನ ಕುಲ್ಲೇಟಿರ ಕಪ್ ಹಾಕಿ ನಮ್ಮೆಯ ಆರನೇ ದಿನದ ಪಂದ್ಯಾಟದಲ್ಲಿ ಕಾಟುಮಣಿಯಂಡ ತಂಡದ ಪರ ತಿಮ್ಮಯ್ಯ ಹ್ಯಾಟ್ರಿಕ್ ಮೂರು ಗೋಲು ದಾಖಲಿಸುವದರ ಮೂಲಕ ತಂಡದ ಗೆಲುವಿಗೆ ಕಾರಣರಾದರು. ಶನಿವಾರ ನಡೆದ ಪಂದ್ಯಾಟದಲ್ಲಿ ಓಟೇರಿರ, ಬೊಪ್ಪಂಡ, ನಂಬುಡುಮಡ, ತಿರುಟೆರ, ಮಾಚಿಮಂಡ, ನಡಿಕೇರಿಯಂಡ, ಅಳಮೇಂಗಡ, ಕಾಟುಮಣಿಯಂಡ, ದಾಸಂಡ, ಕೇಟೋಳಿರ, ಕೋಡಿರ, ಹಂಚೆಟ್ಟಿರ, ಮುಂಡೋಟಿರ ತಂಡಗಳು ಮುನ್ನಡೆ ಸಾಧಿಸಿವೆ.

ನಾಟೋಳಂಡ ಮತ್ತು ಓಟೇರಿರ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಓಟೇರಿರ ತಂಡವು ನಾಟೋಳಂಡ ತಂಡವನ್ನು ಪೆನಾಲ್ಟಿ ಸ್ಟ್ರೋಕ್‍ನ 6-5 ಗೋಲಿನಿಂದ ಮಣಿಸಿತು. ಪೆಮ್ಮುಡಿಯಂಡ ಮತ್ತು ಬೊಪ್ಪಂಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಬೊಪ್ಪಂಡ ತಂಡವು ಪೆಮ್ಮುಡಿಯಂಡ ತಂಡವನ್ನು 2-0 ಗೋಲಿನ ಅಂತರದಿಂದ ಸೋಲಿಸಿತು. ತಂಡದ ಪರ ರಾಕೇಶ್ ಸೋಮಯ್ಯ ಹಾಗೂ ಸಜನ್ ತಲಾ ಒಂದೊಂದು ಗೋಲು ದಾಖಲಿಸಿ ತಂಡದ ಗೆಲುವಿಗೆ ಕಾರಣರಾದರು. ನಂಬುಡುಮಡ ಮತ್ತು ಮಾಣಿಪಂಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ನಂಬುಡುಮಡ ತಂಡವು ಮಾಣಿಪಂಡ ತಂಡವನ್ನು ಟೈ ಬ್ರೇಕರ್‍ನ 4-2 ಗೋಲಿನ ಅಂತರದಿಂದ ಪರಾಭವಗೊಳಿಸಿತು. ನಂಬುಡುಮಡ ತಂಡದ ಪರ ಚಿರಾಗ್ ಚಂಗಪ್ಪ, ಮಂದಣ್ಣ, ಸೋಮಣ್ಣ, ತಮ್ಮಯ್ಯ ತಲಾ ಒಂದೊಂದು ಗೋಲು ದಾಖಲಿಸಿದರೆ, ಮಾಣಿಪಂಡ ತಂಡದ ಪರ ಪೂವಣ್ಣ ಎರಡು ಗೋಲು ದಾಖಲಿಸಿದರು. ಉದ್ದಿನಾಡಂಡ ಮತ್ತು ತಿರುಟೆರ ತಂಡಗಳ ನಡುವಿನ ಪಂದ್ಯದಲ್ಲಿ ತಿರುಟೆರ ತಂಡವು ಉದ್ದಿನಾಡಂಡ ತಂಡವನ್ನು 5-0 ಗೋಲಿನ ಅಂತರದಿಂದ ಸೋಲಿಸಿತು. ತಂಡದ ಪರ ಗೌತಮ್ ಎರಡು, ವಿನು, ಪೂವಯ್ಯ, ಸುನಿಲ್ ತಲಾ ಒಂದೊಂದು ಗೋಲು ದಾಖಲಿಸಿದರು. ಅವರೆಮಾಡಂಡ ಮತ್ತು ಮಾಚಿಮಂಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಮಾಚಿಮಂಡ ತಂಡವು ಅವರೆಮಾಡಂಡ ತಂಡವನ್ನು 3-0 ಗೋಲಿನಿಂದ ಮಣಿಸಿತು. ತಂಡದ ಪರ ಪ್ರಸಾದ್ ಚಂಗಪ್ಪ, ದರ್ಶನ್, ಹರ್ಷಿತ್ ತಲಾ ಒಂದೊಂದು ಗೋಲು ದಾಖಲಿಸಿ ತಂಡದ ಗೆಲುವಿಗೆ ಕಾರಣರಾದರು. ಚೊಟ್ಟೆಯಂಡ ಮತ್ತು ನಡಿಕೇರಿಯಂಡ ತಂಡಗಳ ನಡುವಿನ ಪಂದ್ಯದಲ್ಲಿ ನಡಿಕೇರಿಯಂಡ ತಂಡವು ಚೊಟ್ಟೆಯಂಡ ತಂಡವನ್ನು 4-0 ಗೋಲಿನ ಅಂತರದಿಂದ ಸೋಲಿಸಿತು. ತಂಡದ ಪರ ಅಮೋಘ್ ದೇವಯ್ಯ ಹಾಗೂ ಬಿಪಿನ್ ಅಪ್ಪಚ್ಚು ತಲಾ ಎರಡೆರಡು ಗೋಲು ದಾಖಲಿಸುವದರ ಮೂಲಕ ತಂಡಕ್ಕೆ ಗೆಲುವು ತಂದುಕೊಟ್ಟರು. ಅಳಮೇಂಗಡ ಮತ್ತು ಮಂದನೆರವಂಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಅಳಮೇಂಗಡ ತಂಡವು ಮಂದನೆರವಂಡ ತಂಡವನ್ನು 1-0 ಗೋಲಿನಿಂದ ಸೋಲಿಸಿತು. ತಂಡದ ಪರ ಸೋಮಯ್ಯ ಒಂದು ಗೋಲು ದಾಖಲಿಸಿದರು. ಗುಡ್ಡಂಡ ತಂಡದ ವಾಕ್ ಓವರ್‍ನಿಂದ ಹಂಚೆಟ್ಟಿರ ತಂಡವು ಮುಂದಿನ ಸುತ್ತು ಪ್ರವೇಶಿಸಿತು. ಗೌಡಂಡ ತಂಡದ ವಾಕ್ ಓವರ್‍ನಿಂದ ಮುಂಟೋಟಿರ ತಂಡವು ಮುನ್ನಡೆ ಸಾಧಿಸಿತು. ಮರುವಂಡ ಮತ್ತು ಕಾಟುಮಣಿಯಂಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಕಾಟುಮಣಿಯಂಡ ತಂಡವು ಮರುವಂಡ ತಂಡವನ್ನು 6-4 ಗೋಲಿನಿಂದ ಸೋಲಿಸಿತು. ಕಾಟುಮಣಿಯಂಡ ತಂಡದ ಪರ ತಿಮ್ಮಯ್ಯ ಮೂರು, ಲೆಹೆರ್ ಮುತ್ತಣ್ಣ, ಯತಿನ್ ಕಾರ್ಯಪ್ಪ, ಕಾರ್ತಿಕ್ ಕಾರ್ಯಪ್ಪ ತಲಾ ಒಂದೊಂದು ಗೋಲು ದಾಖಲಿಸುವದರ ಮೂಲಕ ತಂಡದ ಗೆಲುವಿಗೆ ಕಾರಣರಾದರು. ದಾಸಂಡ ಮತ್ತು ನೆಲ್ಲಚಂಡ ತಂಡಗಳ ನಡುವಿನ ಪಂದ್ಯದಲ್ಲಿ ದಾಸಂಡ ತಂಡವು ನೆಲ್ಲಚಂಡ ತಂಡವನ್ನು

3-0 ಗೋಲಿನ ಅಂತರದಿಂದ ಮಣಿಸಿತು. ತಂಡದ ಪರ ಟಿನ್ಸನ್, ಆಕಾಶ್ ಅಚ್ಚಯ್ಯ, ಚಂದನ್ ತಲಾ ಒಂದೊಂದು ಗೋಲು ದಾಖಲಿಸಿ ದರು. ಕೋಚಮಂಡ ಮತ್ತು ಕೇಟೋಳಿರ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಕೇಟೋಳಿರ ತಂಡವು ಕೋಚಮಂಡ ತಂಡವನ್ನು ಟೈ ಬ್ರೇಕರ್‍ನ 4-3 ಗೋಲಿನ ಅಂತರದಿಂದ ಮಣಿಸಿತು. ಅಪ್ಪುಮಣಿ ಯಂಡ ಮತ್ತು ಕೋಡಿರ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಕೋಡಿರ ತಂಡವು ಅಪ್ಪುಮಣಿಯಂಡ ತಂಡವನ್ನು 2-0 ಗೋಲಿನ ಅಂತರದಿಂದ ಸೋಲಿಸಿತು. ತಂಡದ ಪರ ರೋಶನ್ ಬೆಳ್ಯಪ್ಪ, ಅನಿಲ್ ಅಪ್ಪಣ್ಣ ತಲಾ ಒಂದೊಂದು ಗೋಲು ದಾಖಲಿಸಿದರು.