ಮಡಿಕೇರಿ, ಏ.21 : ನಗರದ ಶ್ರೀಕಂಚಿ ಕಾಮಾಕ್ಷಿಯಮ್ಮ ದೇವಾಲಯದ 11ನೇ ವರ್ಷದ ಪುನರ್ ಪ್ರತಿಷ್ಠಾಪನಾ ವಾರ್ಷಿಕೋತ್ಸವ ಕೇರಳದ ಪಯ್ಯನೂರ್‍ನ ಶ್ರೀ ಈಶ್ವರ ನಂಬೂದರಿ ಅವರ ನೇತೃತ್ವದಲ್ಲಿ ತಾ.23 ಮತ್ತು 24 ರಂದು ನಡೆಯಲಿದೆ.

ತಾ.23 ರಂದು ಸಂಜೆ 7 ಗಂಟೆಗೆ ಪುಣ್ಯಾಹುತಿ, ಸುದರ್ಶನ ಹೋಮ, ತಾ.24 ರಂದು ಬೆಳಗ್ಗೆ 7 ಗಂಟೆಗೆ ಗಣಹೋಮ, 8 ಗಂಟೆಗೆ ಮಹಾಮೃತ್ಯುಂಜಯ ಹೋಮ, 9 ಗಂಟೆಯ ನಂತರ ಬ್ರಹ್ಮಕಲಶ ಪೂಜೆ, ದೇವಿಗೆ ವಿವಿಧ ಅಭಿಷೇಕಗಳು ಹಾಗೂ ಮಹಾಪೂಜೆ ನೆರವೇರಲಿದೆ.

ನಂತರ ಭಕ್ತಾದಿಗಳಿಗೆ ಅನ್ನ ಸಂತರ್ಪಣೆ ನಡೆಯಲಿದೆ ಎಂದು ದೇವಾಲಯದ ಆಡಳಿತ ಮಂಡಳಿ ಮನವಿ ಮಾಡಿದೆ.