ಮಡಿಕೇರಿ, ಏ. 21: ಕೊಡಗಿನ ಬಜೆ ಗುಂಡಿಯ ನಿವಾಸಿ ಸುನಿಲ್ ನಟನೆಯ ಸಿನಿಮಾ “ಅಪ್ಪೆ ಟೀಚರ್” ಮಡಿಕೇರಿಯ ಕಾವೇರಿ ಮಹಲ್ ಚಿತ್ರಮಂದಿರ ದಲ್ಲಿ ಪ್ರದರ್ಶನಗೊಳ್ಳುತ್ತಿದೆ. ಸರ್ವರು ಸಿನಿಮಾ ನೋಡುವ ಮೂಲಕ ತುಳು ಭಾಷೆ ಮತ್ತು ಜಿಲ್ಲೆಯವರೇ ಆದ ಸುನಿಲ್ ಅವರನ್ನು ಪ್ರೋತ್ಸಾಹಿಸಬೇಕೆಂದು ಕೊಡಗು ಜಿಲ್ಲಾ ತುಳುವೆರ ಜನಪದ ಕೂಟದ ಪ್ರಧಾನ ಕಾರ್ಯದರ್ಶಿ ಪಿ.ಎಂ. ರವಿ ಮನವಿ ಮಾಡಿದ್ದಾರೆ. ಪ್ರತಿಕಾ ಹೇಳಿಕೆ ನೀಡಿರುವ ಅವರು ತುಳು ಸಿನಿಮಾದ ನಾಯಕ ನಟ ಸುನಿಲ್ ಕೊಡಗಿನ ಸೋಮವಾರಪೇಟೆಯ ಬಜೆಗುಂಡಿಯ ನಿವಾಸಿಯಾಗಿದ್ದು, ತಮ್ಮ ನಟನೆಯ ಮೂಲಕ ಹೆಚ್ಚು ಜನಪ್ರಿಯರಾಗಿದ್ದಾರೆ.