ಗೋಣಿಕೊಪ್ಪಲು, ಏ. 22: ಜಾತ್ಯತೀತ ಜನತಾದಳದ ಜಿಲ್ಲಾಧ್ಯಕ್ಷ ಹಾಗೂ ವೀರಾಜಪೇಟೆ ವಿಧಾನಸಭಾ ಕ್ಷೇತ್ರದ ಅಭ್ಯರ್ಥಿ ಮೇರಿಯಂಡ ಸಂಕೇತ್ ಪೂವಯ್ಯ ಗೂಡ್ಲೂರು, ಚನ್ನಂಗಿ, ಮೂಡಬೈಲು, ದಿಡ್ಡಳ್ಳಿ, ಬಾಡಗ-ಬಾಣಂಗಾಲದ ಗ್ರಾಮಗಳಿಗೆ ತೆರಳಿ ಮನೆ ಮನೆ ಮತ ಪ್ರಚಾರ ನಡೆಸಿದರು.

ಗೂಡ್ಲೂರು ಮನೆ ಪ್ರಚಾರ ನಡೆಸಿದ ಸಂದÀರ್ಭ ಅಲ್ಲಿನ ಮಹಿಳೆಯರು ಆರತಿ ಬೆಳಗಿ, ತಿಲಕವಿಟ್ಟು ಸಂಕೇತ್ ಪೂವಯ್ಯ ಅವರನ್ನು ಸ್ವಾಗತಿಸಿದರು. ಸಂಕೇತ್ ಅವರನ್ನು ಈ ಭಾಗದ ಜೆಡಿಎಸ್ ಮುಖಂಡರು, ಕಾರ್ಯಕರ್ತರು ಸನ್ಮಾನಿಸಿದರು.

ಕ್ಷೇತ್ರದಲ್ಲಿ ಹಲವು ಸುತ್ತಿನ ಪ್ರಚಾರ ನಡೆದಿದೆ. ಮತ ಪ್ರಚಾರ ಸಂದರ್ಭ ಮತದಾರರಲ್ಲಿ ಬದಲಾವಣೆಯ ಆಶಾಭಾವನೆ ಕಂಡು ಬಂದಿದೆ. ಜನರ ಪ್ರತಿಕ್ರಿಯೆ ಖುಷಿ ತಂದಿದೆ. ಪಕ್ಷದ ಸಿದ್ಧಾಂತದ ಅಡಿಯಲ್ಲಿ ಕೆಲಸ ನಿರ್ವಹಿಸುತ್ತಿದ್ದೇನೆ ಎಂದು ಸಂಕೇತ್ ಪೂವಯ್ಯ ಹೇಳಿದರು. ಪ್ರಚಾರದ ವೇಳೆಯಲ್ಲಿ ಕ್ಷೇತ್ರ ಅಧ್ಯಕ್ಷ ಎಸ್.ಹೆಚ್. ಮತೀನ್ ಮುಖಂಡರಾದ ವಿ.ಸಿ. ದೇವರಾಜ್, ಎಂ.ಕೆ. ವಸಂತ, ಜಿ.ಬಿ. ಸೋಮಯ್ಯ, ಎಂ.ಕೆ. ರಘುನಂದನ್, ರಾಮಕೃಷ್ಣ ಮುಂತಾದವರು ಹಾಜರಿದ್ದರು