ಗೋಣಿಕೊಪ್ಪ ವರದಿ, ಏ. 22: ಹಾಕಿ ಇಂಡಿಯ ಸಹಯೋಗದಲ್ಲಿ ಮದ್ಯ ಪ್ರದೇಶದ ಭೂಪಾಲ್‍ನಲ್ಲಿ ನಡೆಯುತ್ತಿರುವ ಬಾಲಕರ ಜೂನಿಯರ್ ಇಂಡಿಯಾ ನ್ಯಾಷನಲ್ ಚಾಂಪಿಯನ್‍ಶಿಪ್‍ನಲ್ಲಿ ಹಾಕಿ ಕೂರ್ಗ್ ತಂಡವು ಕ್ವಾರ್ಟರ್ ಫೈನಲ್ ಪ್ರವೇಶ ಪಡೆದಿದೆ.

ಹಾಕಿ ಕೂರ್ಗ್ ತಂಡ ಆಂಧ್ರಪ್ರದೇಶ ತಂಡವನ್ನು 6-2 ಗೋಲುಗಳಿಂದ ಮಣಿಸಿ ಕ್ವಾರ್ಟರ್ ಫೈನಲ್ ಪ್ರವೇಶ ಪಡೆಯಿತು. ತಂಡದ ಪರವಾಗಿ ಪರಮಜೀತ್ 2, ಆಶಿಕ್, ಗಾಜೆ, ದೀಪಕ್ ಹಾಗೂ ರಾಬಿನ್ ತಲಾ ಒಂದೊಂದು ಹೊಡೆದರು.

ತಂಡದಲ್ಲಿ ನಾಯಕನಾಗಿ ಅಪ್ಪಂಡೇರಂಡ ಸುಬ್ರಮಣಿ, ಉಪ ನಾಯಕನಾಗಿ ಅಲ್ಲಾರಂಡ ಅಪ್ಪಣ್ಣ, ಚಿರಂತ್ ಸೋಮಣ್ಣ, ಸೂರ್ಯ, ಶರತ್, ಅರ್ತಿಕ್ ಅಯ್ಯಪ್ಪ, ನೆಲ್ಲಮಕ್ಕಡ ಸೋಮಯ್ಯ, ಯಶ್ವಂತ್, ಗೌತಂ, ಯತೀಶ್ ಕುಮಾರ್, ಮೋಕ್ಷಿತ್, ಸಾತ್ವಿಕ್, ಫಾವದ್ ತಂಡದಲ್ಲಿದ್ದಾರೆ. ತರಬೇತುದಾರರಾಗಿ ದರ್ಶನ್, ವ್ಯವಸ್ಥಾಪಕರಾಗಿ ಅಶೋಕ್ ಕಾರ್ಯನಿರ್ವಹಿಸುತ್ತಿದ್ದಾರೆ.