ನಾಪೆÇೀಕ್ಲು, ಏ. 23: ನಾಪೆÇೀಕ್ಲುವಿನ ಜನರಲ್ ಕೆ.ಎಸ್. ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಕುಲ್ಲೇಟಿರ ಕಪ್ ಹಾಕಿ ನಮ್ಮೆಯಲ್ಲಿ ಬಾವಲಿ ನಿವಾಸಿ ಕೆ.ವಿ. ಮಂದಣ್ಣ ಎಂಬವರ ಮೊಬೈಲ್ ಕಳ್ಳತನವಾಗಿರುವ ಬಗ್ಗೆ ವರದಿಯಾಗಿದೆ.

ಇವರು ಹಾಕಿ ನಮ್ಮೆಯಲ್ಲಿ ಭಾಗವಹಿಸಲು ತೆರಳಿದ್ದರು. ನಿಲುಗಡೆ ಸ್ಥಳದಲ್ಲಿದ್ದ ತಮ್ಮ ವಾಹನದಲ್ಲಿ ಬಟ್ಟೆ ಬದಲಾಯಿಸಿ ಸುಮಾರು 45,000 ರೂ. ಮೌಲ್ಯದ ಎರಡು ಮೊಬೈಲ್ ಫೆÇೀನ್‍ಗಳನ್ನು ತಮ್ಮ ಓಮಿನಿಯಲ್ಲಿ ಇರಿಸಿದ್ದರು. ಆಟ ಮುಗಿದ ನಂತರ ಬಂದು ಓಮಿನಿಯಲ್ಲಿ ಪರಿಶೀಲಿಸಿದಾಗ ಮೊಬೈಲ್ ಅನ್ನು ವ್ಯಾನಿನ ಗ್ಲಾಸ್ ಸರಿಸಿ ಕಳವು ಮಾಡಿರುವದು ತಿಳಿದು ಬಂದಿದೆ. ಈ ಬಗ್ಗೆ ನಾಪೆÇೀಕ್ಲು ಪೆÇಲೀಸ್ ಠಾಣೆಯಲ್ಲಿ ದೂರು ದಾಖಲಿಸಲಾಗಿದೆ.

ಹಾಕಿ ಹಬ್ಬಕ್ಕೆ ಆಗಮಿಸುವವರು ತಮ್ಮ ವಾಹನಗಳಲ್ಲಿರುವ ಬೆಲೆಬಾಳುವ ವಸ್ತುಗಳ ಬಗ್ಗೆ ಹೆಚ್ಚಿನ ನಿಗಾಃ ವಹಿಸಬೇಕು ಮತ್ತು ತಮ್ಮ ತಮ್ಮ ಮನೆಗಳಲ್ಲಿಯೂ ಹೆಚ್ಚಿನ ಭದ್ರತೆ ವ್ಯವಸ್ಥೆಯನ್ನು ಕೈಗೊಳ್ಳಬೇಕೆಂದು ನಾಪೆÇೀಕ್ಲು ಠಾಣಾಧಿಕಾರಿ ನಂಜುಂಡಸ್ವಾಮಿ ಸಲಹೆ ನೀಡಿದ್ದಾರೆ.