ಮಡಿಕೇರಿ, ಏ. 23: ವಿಧಾನಸಭಾ ಚುನಾವಣಾ ಸಾಮಾನ್ಯ ವೀಕ್ಷಕರಾಗಿ ನಿಯೋಜನೆಗೊಂಡಿರುವ ಶ್ರೀಕಾಂತ್ ಟಿ. ಅವರು ಕೊಡಗು ಜಿಲ್ಲಾ ಕೇಂದ್ರ ಮಡಿಕೇರಿಯಲ್ಲಿ ವರದಿ ಮಾಡಿಕೊಂಡರು. ಶ್ರೀಕಾಂತ್ ಟಿ. ಅವರು 2004 ರ ಐಎಎಸ್ ಬ್ಯಾಚ್‍ನವರಾಗಿದ್ದು. ಅರುಣಾಚಲ ಪ್ರದೇಶ, ಗೋವಾ ಹಾಗೂ ಮಿಜೋರಾಂ ಕೇಂದ್ರಾಡಳಿತ ಪ್ರದೇಶ (ಂಉಒUಖಿ) ವ್ಯಾಪ್ತಿಯಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಶ್ರೀಕಾಂತ್.ಟಿ ಅವರು ಈ ಹಿಂದೆ ಪಾಂಡಿಚೇರಿ ಯಲ್ಲಿ ಮುಖ್ಯ ಚುನಾವಣಾಧಿಕಾರಿ ಯಾಗಿ ಕರ್ತವ್ಯ ನಿರ್ವಹಿಸಿದ್ದರು. ಸಾರ್ವಜನಿಕರು ಚುನಾವಣಾ ದೂರುಗಳಿಗೆ ಸಂಬಂದಿಸಿದಂತೆ 9449847570 ಸಂಪರ್ಕಿಸ ಬಹುದಾಗಿದೆ. ಹಾಗೆಯೇ ನಗರದ ಜಿಲ್ಲಾಡಳಿತ ಭವನದ ಮೊದಲನೇ ಮಹಡಿಯಲ್ಲಿ ತೆರೆಯಲಾಗಿರುವ ವೀಕ್ಷಕರ ಕಚೇರಿಯಲ್ಲಿ ಬುಧವಾರ ಮತ್ತು ಶುಕ್ರವಾರ ಹೊರತುಪಡಿಸಿ ಬೆಳಗ್ಗೆ 10 ರಿಂದ 11 ಗಂಟೆಯವರೆಗೆ ಭೇಟಿ ಮಾಡಬಹುದಾಗಿದೆ.

ವೀರಾಜಪೇಟೆಯ ಚುನಾವಣಾಧಿಕಾರಿ ಕಚೇರಿಯಲ್ಲಿ ಬುಧವಾರ ಮತ್ತು ಶುಕ್ರವಾರ ಬೆಳಗ್ಗೆ 11 ರಿಂದ ಮಧ್ಯಾಹ್ನ 12 ಗಂಟೆವರೆಗೆ ಸಾರ್ವಜನಿಕರು ಭೇಟಿ ಮಾಡಬಹುದಾಗಿದೆ. (ತುರ್ತು ಸಭೆ, ಸಮಾರಂಭ ಮತ್ತು ಪ್ರವಾಸ ದಿನ ಹೊರತುಪಡಿಸಿ).