ಕುಶಾಲನಗರ, ಏ 23: ಕುಶಾಲನಗರದಲ್ಲಿ ನೂತನ ವಾಗಿ ನಿರ್ಮಾಣ ಗೊಳ್ಳುತ್ತಿರುವ ಶ್ರೀ ಶಿರಡಿ ಸಾಯಿ ಬಾಬಾರ ದೇವಾಲಯಕ್ಕೆ ಈ ತಿಂಗಳ 25 ರಂದು ಶ್ರೀ ದೇವರ ವಿಗ್ರಹ ಆಗಮಿಸಲಿದೆ.

ಕುಶಾಲನಗರದ ಸಾಯಿ ಬಡಾವಣೆಯಲ್ಲಿ ಶ್ರೀ ಶಿರಡಿ ಸಾಯಿ ಟ್ರಸ್ಟ್ ಆಶ್ರಯದಲ್ಲಿ ನಿರ್ಮಾಣ ಹಂತದಲ್ಲಿರುವ ದೇವಾಲಯ ಸಧ್ಯದಲ್ಲಿಯೇ ಲೋಕಾರ್ಪಣೆಗೊಳ್ಳಲಿದ್ದು ವಿಗ್ರಹ ಶಿರಡಿ ಕ್ಷೇತ್ರದಿಂದ ಕುಶಾಲನಗರಕ್ಕೆ ಬರಲಿದೆ.

ದಿನಾಂಕ 25 ರ ಬುಧವಾರ ಬೆಳಗ್ಗೆ ಕೊಪ್ಪ ಕಾವೇರಿ ಪ್ರತಿಮೆ ಬಳಿಯಿಂದ ಬೆಳಗ್ಗೆ 6 ಗಂಟೆಗೆ ಕುಶಾಲನಗರ ದೇವಾಲಯ ಒಕ್ಕೂಟದ ಪ್ರತಿನಿಧಿಗಳು, ಸಾಯಿ ಭಕ್ತಾದಿಗಳು ಸಾಂಪ್ರದಾಯಿಕವಾಗಿ ಬರಮಾಡಿಕೊಂಡು ಮೆರವಣಿಗೆ ಮೂಲಕ ಕುಶಾಲನಗರ ಗಣಪತಿ ದೇವಾಲಯ, ಬೈಚನಹಳ್ಳಿ ಮಾರಿಯಮ್ಮ ದೇವಾಲಯಕ್ಕೆ ತೆರಳಿ ಪೂಜೆ ಸಲ್ಲಿಸಿದ ನಂತದ ರಥಬೀದಿ ಮೂಲಕ ವಿವಿಧ ದೇವಾಲಯಗಳಲ್ಲಿ ವಿಗ್ರಹಕ್ಕೆ ಪೂಜೆ ನಡೆಯಲಿದೆ. ನಂತರ ಸಾಯಿ ಬಡಾವಣೆಯಲ್ಲಿ ನಿರ್ಮಾಣಗೊಳ್ಳುತ್ತಿರುವ ಮಂದಿರಕ್ಕೆ ಸಾಗಲಿದೆ ಎಂದು ಟ್ರಸ್ಟ್‍ನ ಅಧ್ಯಕ್ಷ ಧರೇಶ್ ಬಾಬು ತಿಳಿಸಿದ್ದಾರೆ.