ಕುಶಾಲನಗರ, ಏ. 25: ಕುಶಾಲನಗರ ಪಟ್ಟಣದಲ್ಲಿ ವಾಹನ ಕಳ್ಳತನ ಮಾಡುತ್ತಿದ್ದ ಚೋರರನ್ನು ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಚಿಕ್ಕತ್ತೂರು ಗ್ರಾಮದ ಚಂದ್ರಕುಮಾರ್, ಕುಶಾಲನಗರದ ಹೆಚ್. ಸುರೇಶ್ ಎಂಬವರುಗಳನ್ನು ಬಂಧಿಸಿದ್ದು ಆರೋಪಿಗಳಿಂದ ರೂ. 2.5 ಲಕ್ಷ ಮೌಲ್ಯದ ಪಿಕ್‍ಅಪ್ ವಾಹನವನ್ನು ವಶಪಡಿಸಿಕೊಳ್ಳಲಾಗಿದೆ.

ಡಿವೈಎಸ್ಪಿ ಶ್ರೀನಿವಾಸಮೂರ್ತಿ ಮಾರ್ಗದರ್ಶನದಲ್ಲಿ ವೃತ್ತ ನಿರೀಕ್ಷಕ ಕ್ಯಾತೆಗೌಡ, ಠಾಣಾಧಿಕಾರಿ ಜಗದೀಶ್ ಮತ್ತು ಕುಶಾಲನಗರ ವಿಶೇಷ ಅಪರಾಧಿ ಪ್ರಕರಣಗಳ ತಂಡದ ಪಿ.ಬಿ. ಸುರೇಶ್, ಪಿ.ಎಂ. ಮುಸ್ತಾಫ, ಕೆ.ಎಸ್. ಸುಧೀಶ್‍ಕುಮಾರ್, ಉದಯಕುಮಾರ್, ಸಂಪತ್‍ರೈ, ಪ್ರವೀಣ್, ಗಣೇಶ್, ರಾಜೇಶ್, ಗಿರೀಶ್ ಅವರುಗಳು ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.