ಮಡಿಕೇರಿ, ಏ. 25: ಕೊಡಗು ಹೆಗ್ಗಡೆ ವಿದ್ಯಾಭಿವೃದ್ಧಿ ಸಂಘ ಮತ್ತು ಸಮಾಜದ ವತಿಯಿಂದ 17ನೇ ವರ್ಷದ ಕ್ರೀಡಾಕೂಟ ತಾ. 28 ರಿಂದ 30 ರವರೆಗೆ ವೀರಾಜಪೇಟೆ ಜೂನಿಯರ್ ಕಾಲೇಜು ಮೈದಾನದಲ್ಲಿ ನಡೆಯಲಿದೆ.

ತಾ. 28 ರಂದು ಬೆಳಿಗ್ಗೆ 9.30 ಗಂಟೆಗೆ ಸಮಾರಂಭವನ್ನು ಕರ್ನಾಟಕ ಸರಕಾರದ ಅಗ್ನಿ ಶಾಮಕ ದಳದ ನಿರ್ದೇಶಕ ಕೊಪ್ಪಡ ಯು. ರಮೇಶ್ ಉದ್ಘಾಟಿಸಲಿದ್ದು, ಅಧ್ಯಕ್ಷತೆಯನ್ನು ಕೊಡಗು ಹೆಗ್ಗಡೆ ಸಮಾಜದ ಅಧ್ಯಕ್ಷ ಪಡಿಂಞರಂಡ ಜಿ. ಅಯ್ಯಪ್ಪ ವಹಿಸುವರು. ಕ್ರೀಡಾಕೂಟವನ್ನು ಎಸ್‍ಬಿಐ ನಿವೃತ್ತ ವ್ಯವಸ್ಥಾಪಕ ಪೊಕ್ಕಳಿಚಂಡ ಕೆ. ಪೊನ್ನಪ್ಪ ಉದ್ಘಾಟಿಸುವರು. ತಾ. 30 ರಂದು ಮಧ್ಯಾಹ್ನ 2.30 ಗಂಟೆಗೆ ಸಮಾರೋಪ ಸಮಾರಂಭ ನಡೆಯಲಿದ್ದು, ನಿವೃತ್ತ ಪೊಲೀಸ್ ಉಪ ನಿರೀಕ್ಷಕ ಮಂಡೇಡ ಮಣಿ ಬೆಳ್ಯಪ್ಪ, ಕ.ರಾ.ರ.ಸಾ. ನಿಗಮದ ನಿವೃತ್ತ ಅಧಿಕಾರಿ ಪಂದಿಕಂಡ ಕುಶಾಲಪ್ಪ ಅತಿಥಿಗಳಾಗಿ ಪಾಲ್ಗೊಳ್ಳುವರು.