ಪೊನ್ನಂಪೇಟೆ, ಏ. 25: ಪೊನ್ನಂಪೇಟೆಯ ಶ್ರೀ ರಾಮಕೃಷ್ಣ ಶಾರದಾಶ್ರಮದಲ್ಲಿ ವಸಂತ ವಿಹಾರವು ತಾ. 22 ರಂದು ನಡೆಯಿತು. ಶಿಬಿರದ ಉದ್ಘಾಟನಾ ಸಮಾರಂಭದಲ್ಲಿ ಆಶ್ರಮದ ಹಿರಿಯ ಸನ್ಯಾಸಿಗಳಾದ ಸ್ವಾಮಿ ಜಗದಾತ್ಮಾನಂದಜೀ, ಅಧ್ಯಕ್ಷರಾದ ಶ್ರೀ ಸ್ವಾಮಿ ಭೋದಸ್ವರೂಪನಂದಜೀ ಹಾಗೂ ಇನ್ನಿತರ ಸ್ವಾಮಿಗಳು ಹಾಜರಿದ್ದರು.

ದೀಪ ಬೆಳಗುವದರ ಮೂಲಕ ಉದ್ಘಾಟಿಸಲಾಯಿತು. ಸ್ವಾಮಿ ಜಗದಾತ್ಮಾನಂದಜೀ ಆಶೀರ್ವಚನ ನೀಡಿದರು. ಸ್ವಾಮಿ ಭೋದ ಸ್ವರೂಪಾನಂದಜೀ ಶಿಬಿರದ ಉದ್ದೇಶ, ತರಬೇತಿಯ ನಿಯಮಗಳನ್ನು ತಿಳಿಸಿದರು. ಸಂಪನ್ಮೂಲ ವ್ಯಕ್ತಿ ಶಿವಮೊಗ್ಗದ ಲೈಫ್ ಸಂಸ್ಥೆಯ ಪ್ರಮುಖ ಲೋಕನಾಥ್ ಹಿತನುಡಿಗಳನ್ನಾಡಿದರು. ಗೋಣಿಕೊಪ್ಪಲು ಕೂರ್ಗ್ ಪಬ್ಲಿಕ್ ಶಾಲೆಯ ಪ್ರೊ. ನಂಜುಂಡ ಅವರು ವ್ಯಕ್ತಿತ್ವ ವಿಕಸನದ ಬಗ್ಗೆ ಉಪನ್ಯಾಸ ನೀಡಿದರು.

ಕಾರ್ಯಕ್ರಮದ ನಿರ್ವಹಣೆಯನ್ನು ಸ್ವಾಮಿ ತಪೋಯಜ್ಞಾನಂದಜೀ ನಿರ್ವಹಿಸಿದರು. ವಂದನಾರ್ಪಣೆಯನ್ನು ಸ್ವಾಮಿ ಗೀತಸಾರಾ ನಂದಜೀ ಮಾಡಿದರು. ಸ್ವಾಮಿ ಪರಹಿತಾನಂದಜೀ ಮತ್ತು ಸ್ವಾಮಿ ಧರ್ಮಾತ್ಮಾನಂದಜೀ ಹಾಜರಿದ್ದರು.