ಗೋಣಿಕೊಪ್ಪ ವರದಿ, ಏ. 25 : ಹಾಕಿ ಇಂಡಿಯಾ ಸಹಯೋಗದಲ್ಲಿ ಮಧ್ಯ ಪ್ರದೇಶದ ಭೂಪಾಲ್‍ನಲ್ಲಿ ನಡೆಯುತ್ತಿರುವ ಬಾಲಕರ ಜೂನಿಯರ್ ಇಂಡಿಯಾ ನ್ಯಾಷನಲ್ ಚಾಂಪಿಯನ್‍ಶಿಪ್‍ನಲ್ಲಿ ಹಾಕಿ ಕೂರ್ಗ್ ತಂಡವು ಸೆಮಿ ಫೈನಲ್ ಪ್ರವೇಶ ಪಡೆದಿದೆ. ರಾಜಸ್ತಾನ ವಿರುದ್ಧ ನಡೆದ ಕ್ವಾರ್ಟರ್ ಫೈನಲ್‍ನಲ್ಲಿ 7-1 ಗೋಲುಗಳ (ಮೊದಲ ಪುಟದಿಂದ) ಅಂತರದಲ್ಲಿ ಗೆಲುವು ದಾಖಲಿಸಿತು. ತಂಡದ ಪರವಾಗಿ ರಾಬಿನ್ 3, ಪರಮಜೀತ್, ಅಪ್ಪಣ್ಣ, ಚಿರಾಂತ್ ಹಾಗೂ ಫದ್ ತಲಾ ಒಂದೊಂದು ಗೋಲು ಹೊಡೆದರು.ತಂಡದಲ್ಲಿ ನಾಯಕನಾಗಿ ಅಪ್ಪಂಡೇರಂಡ ಸುಬ್ರಮಣಿ, ಉಪ ನಾಯಕನಾಗಿ ಅಲ್ಲಾರಂಡ ಅಪ್ಪಣ್ಣ, ಚಿರಂತ್ ಸೋಮಣ್ಣ, ಸೂರ್ಯ, ಶರತ್, ಹಾರ್ತಿಕ್ ಅಯ್ಯಪ್ಪ, ನೆಲ್ಲಮಕ್ಕಡ ಸೋಮಯ್ಯ, ಯಶ್ವಂತ್, ಗೌತಂ, ಯತೀಶ್‍ಕುಮಾರ್, ಮೋಕ್ಷಿತ್, ಸಾತ್ವಿಕ್, ಫಾವದ್ ತಂಡದಲ್ಲಿದ್ದಾರೆ. ತರಬೇತುದಾರರಾಗಿ ದರ್ಶನ್, ವ್ಯವಸ್ಥಾಪಕರಾಗಿ ಅಶೋಕ್ ಕಾರ್ಯನಿರ್ವಹಿಸುತ್ತಿದ್ದಾರೆ.