ಕುಶಾಲನಗರ, ಏ. 26: ಕುಶಾಲನಗರದ ವಕ್ರ್ಸ್‍ಶಾಪ್ ಮಾಲೀಕರು ಹಾಗೂ ಕಾರ್ಮಿಕರ ಸಂಘದ ವತಿಯಿಂದ 8ನೇ ವರ್ಷದ ವಾರ್ಷಿಕೋತ್ಸವ ಮತ್ತು ಕಾರ್ಮಿಕ ದಿನಾಚರಣೆ ಅಂಗವಾಗಿ ವಿವಿಧ ಕ್ರೀಡಾಕೂಟಗಳು ನಡೆದವು.

ಪಟ್ಟಣದ ಗುಂಡೂರಾವ್ ಬಡಾವಣೆಯ ಜಾತ್ರಾ ಮೈದಾನದಲ್ಲಿ ಹಮ್ಮಿಕೊಂಡಿದ್ದ ಕ್ರೀಡಾಕೂಟದಲ್ಲಿ ಪಟ್ಟಣ ವ್ಯಾಪ್ತಿಯ ವರ್ಕ್‍ಶಾಪ್ ಮಾಲೀಕರು, ಕಾರ್ಮಿಕರು ತಮ್ಮ ಕುಟುಂಬ ವರ್ಗದೊಂದಿಗೆ ಉತ್ಸಾಹದಿಂದ ಪಾಲ್ಗೊಂಡಿದ್ದರು. ಭಾರದ ಗುಂಡು ಎಸೆತ, ಹಗ್ಗಜಗ್ಗಾಟ, ಓಟದ ಸ್ಪರ್ಧೆ, ಕ್ರಿಕೆಟ್ ಮತ್ತಿತರ ಕ್ರೀಡೆಗಳು ನಡೆದವು.ಈ ಸಂದರ್ಭ ಸಂಘದ ಅಧ್ಯಕ್ಷ ಎಂ.ಆರ್. ಪೂವಯ್ಯ, ಉಪಾಧ್ಯಕ್ಷ ಎನ್.ಸಿ.ಗಣೇಶ್, ಕಾರ್ಯದರ್ಶಿ ಎಂ.ಡಿ.ರಂಜಿತ್, ಖಜಾಂಚಿ ಪಿ.ಶಿವಕುಮಾರ್, ಸಹ ಕಾರ್ಯದರ್ಶಿ ದಿನೇಶ್ ರೈ, ಗೌರವಾದ್ಯಕ್ಷ ವಿ.ಪಿ. ನಾಗೇಶ್. ಪ್ರಮುಖರಾದ ಸಿ.ಕೃಷ್ಣ, ಕೆ. ರಾಮದಾಸ್, ಮದನ್ ಮತ್ತಿತರರು ಹಾಜರಿದ್ದರು. ಮೇ 1 ರಂದು ಸಂಘದ ವಾರ್ಷಿಕೋತ್ಸವ ಮತ್ತು ಕಾರ್ಮಿಕ ದಿನಾಚರಣೆ ಕಾರ್ಯಕ್ರಮ ನಡೆಯಲಿದೆ. ಬೆಳಗ್ಗೆ ಕೂಡಿಗೆ ವೃದ್ಧಾಶ್ರಮಕ್ಕೆ ಕೆಲವು ಪಾತ್ರೆ ಸಲಕರಣೆಗಳ ವಿತರಣೆ ನಡೆಯಲಿದೆ. ನಂತರ ಪಟ್ಟಣದ ಸಿರಿ ರೆಸಿಡೆನ್ಸಿ ಸಭಾಂಗಣದಲ್ಲಿ ವೇದಿಕೆ ಕಾರ್ಯಕ್ರಮ ನಡೆಯಲಿದೆ.