ನಾಪೆÇೀಕ್ಲು, ಮೇ. 10: ನಾಪೆÇೀಕ್ಲು ಜನರಲ್ ಕೆ.ಎಸ್.ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಕೊಡವ ಕುಟುಂಬಗಳ ನಡುವಿನ ಕುಲ್ಲೇಟಿರ ಕಪ್ ಹಾಕಿ ನಮ್ಮೆಯ ಇಪ್ಪತ್ತೈದನೇ ದಿನದ ಪಂದ್ಯಾಟದಲ್ಲಿ ಚೇಂದಂಡ, ಸೋಮೆಯಂಡ, ಬಾಳೆಯಡ, ಕುಪ್ಪಂಡ (ಕೈಕೇರಿ), ಪಾಡೆಯಂಡ, ಬೊವ್ವೇರಿಯಂಡ, ಪಟ್ಟಡ, ನೆಲ್ಲಮಕ್ಕಡ ತಂಡಗಳು ಮುಂದಿನ ಸುತ್ತು ಪ್ರವೇಶಿಸಿವೆ.

ಸೋಮೆಯಂಡ ಮತ್ತು ಕುಮ್ಮಂಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಸೋಮೆಯಂಡ ತಂಡವು ಕುಮ್ಮಂಡ ತಂಡವನ್ನು 4-2 ಗೋಲಿನಿಂದ ಸೋಲಿಸಿತು. ಸೋಮೆಯಂಡ ತಂಡದ ಪರ ಅಪ್ಪಚ್ಚು ಮೂರು, ಸುಜು ಒಂದು ಗೋಲು ದಾಖಲಿಸಿದರೆ, ಕುಮ್ಮಂಡ ತಂಡದ ಪರ ಬೋಸ್ ಚಂಗಪ್ಪ, ನಾಗೇಶ್ ನಂಜಪ್ಪ ತಲಾ ಒಂದೊಂದು ಗೋಲು ದಾಖಲಿಸಿದರು. ಬಾಳೆಯಡ ಮತ್ತು ಚೆರುಮಂದಂಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಬಾಳೆಯಡ ತಂಡವು ಚೆರುಮಂದಂಡ ತಂಡವನ್ನು ಟೈ ಬ್ರೇಕರ್‍ನ 4-2 ಗೋಲಿನಿಂದ ಪರಾಭವಗೊಳಿಸಿತು. ಕುಪ್ಪಂಡ (ಕೈಕೇರಿ) ಮತ್ತು ಬಲ್ಲಚಂಡ ತಂಡಗಳ ನಡುವಿನ ಪಂದ್ಯದಲ್ಲಿ ಕುಪ್ಪಂಡ ತಂಡವು ಬಲ್ಲಚಂಡ ತಂಡವನ್ನು 1-0 ಗೋಲಿನಿಂದ ಸೋಲಿಸಿತು.

ಪಾಡೆಯಂಡ ಮತ್ತು ಕುಂಡ್ಯೋಳಂಡ ತಂಡಗಳ ನಡುವಿನ ಪಂದ್ಯದಲ್ಲಿ ಪಾಡೆಯಂಡ ತಂಡವು ಕುಂಡ್ಯೋಳಂಡ ತಂಡವನ್ನು 1-0 ಗೋಲಿನಿಂದ ಸೋಲಿಸಿತು. ಪಾಡೆಯಂಡ ತಂಡದ ಪರ ಮಿಲನ್ ಸುಬ್ಬಯ್ಯ ಒಂದು ಗೋಲು ದಾಖಲಿಸಿ ತಂಡವನ್ನು ಗೆಲ್ಲಿಸಿದರು. ಬೊವ್ವೇರಿಯಂಡ ಮತ್ತು ಅಪ್ಪಚ್ಚಿರ ತಂಡಗಳ ನಡುವಿನ ಪಂದ್ಯದಲ್ಲಿ ಬೊವ್ವೇರಿಯಂಡ ತಂಡವು ಅಪ್ಪಚ್ಚಿರ ತಂಡವನ್ನು 1-0 ಗೋಲಿನಿಂದ ಮಣಿಸಿತು. ಬೊವ್ವೇರಿಯಂಡ ತಂಡದ ಪರ ಜೀತನ್ ಕಾಳಪ್ಪ ಒಂದು ಗೋಲು ದಾಖಲಿಸಿ ತಂಡದ ಗೆಲುವಿಗೆ ಕಾರಣರಾದರು. ಕನ್ನಂಡ ಮತ್ತು ಪಟ್ಟಡ ತಂಡಗಳ ನಡುವಿನ ಪಂದ್ಯದಲ್ಲಿ ಪಟ್ಟಡ ತಂಡವು ಕನ್ನಂಡ ತಂಡವನ್ನು ಟೈ ಬ್ರೇಕರ್‍ನ 4-3 ಗೋಲಿನಿಂದ ಸೋಲಿಸಿತು. ಅರಮಣಮಾಡ ಮತ್ತು ನೆಲ್ಲಮಕ್ಕಡ ತಂಡಗಳ ನಡುವಿನ ಪಂದ್ಯದಲ್ಲಿ ನೆಲ್ಲಮಕ್ಕಡ ತಂಡವು ಅರಮಣಮಾಡ ತಂಡವನ್ನು 4-1 ಗೋಲಿನ ಅಂತರದಿಂದ ಮಣಿಸಿತು. ನೆಲ್ಲಮಕ್ಕಡ ತಂಡದ ಪರ ಪೂವಣ್ಣ, ರಾಹುಲ್, ಕಾರ್ಯಪ್ಪ, ಸೋಮಯ್ಯ ತಲಾ ಒಂದೊಂದು ಗೋಲು ದಾಖಲಿಸಿದರೆ, ಅರಮಣಮಾಡ ತಂಡದ ಪರ ಚರ್ಮಣ್ಣ ಒಂದು ಗೋಲು ದಾಖಲಿಸಿದರು. ಚೌರೀರ (ಹೊದವಾಡ) ಮತ್ತು ಚೇಂದಂಡ ತಂಡಗಳ ನಡುವಿನ ಸೆಣೆಸಾಟದಲ್ಲಿ ಚೇಂದಂಡ ತಂಡವು ಚೌರೀರ ತಂಡವನ್ನು 3-1 ಗೋಲಿನ ಅಂತರದಿಂದ ಮಣಿಸಿತು. ಚೇಂದಂಡ ತಂಡದ ಪರ ಜಗತ್, ಮೋಕ್ಷಿತ್, ಬೋಪಣ್ಣ ತಲಾ ಒಂದೊಂದು ಗೋಲು ದಾಖಲಿಸಿದರೆ, ಚೌರೀರ ತಂಡದ ಪರ ಮಂದಣ್ಣ ಒಂದು ಗೋಲು ದಾಖಲಿಸಿದರು.