ಮಡಿಕೇರಿ, ಮೇ 10: ಮಹಿಳೆಯೋರ್ವರು ನಾಪತ್ತೆಯಾಗಿರುವ ಕುರಿತು ನಾಪೋಕ್ಲು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಅಲ್ಲಿನ ಠಾಣಾ ವ್ಯಾಪ್ತಿಯ ಕುಂಜಿಲ ಗ್ರಾಮದ ಕಲ್ಯಾಟಂಡ ಯತೀಶ್ ಬೋಪಣ್ಣ ಅವರ ಲೈನ್‍ಮನೆಯಲ್ಲಿ ವಾಸವಿದ್ದ ಕೆ.ಎಂ. ಚಂದ್ರ ಅವರ ಪತ್ನಿ ರೇಖಾ ನಾಪೋಕ್ಲು ಆಸ್ಪತ್ರೆಗೆಂದು ತಾ. 1 ರಂದು ತೆರಳಿದ್ದು, ಇನ್ನೂ ಹಿಂತಿರುಗಿಲ್ಲ ಎಂದು ಚಂದ್ರ ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಈಕೆಯ ಬಗ್ಗೆ ಸುಳಿವು ಲಭಿಸಿದಲ್ಲಿ ಪೊಲೀಸ್ ಠಾಣೆ (237240) ಅಥವಾ (229000) ದೂರವಾಣಿಗೆ ತಿಳಿಸುವಂತೆ ಇಲಾಖಾ ಪ್ರಕಟಣೆ ಕೋರಿದೆ.