ನಾಪೋಕ್ಲು, ಮೇ 16: ಕೊಡಗು ಜಿಲ್ಲಾ ಗೊಲ್ಲ ಸಮಾಜದ ವತಿಯಿಂದ ಜನಾಂಗ ಬಾಂಧವರಿಗಾಗಿ ತಾ. 18 ಮತ್ತು 19 ರಂದು ಭಾಗಮಂಡಲದ ಜೂನಿಯರ್ ಕಾಲೇಜು ಮೈದಾನದಲ್ಲಿ ವಾರ್ಷಿಕ ಕ್ರೀಡಾಕೂಟ ಹಮ್ಮಿಕೊಳ್ಳಲಾಗಿದೆ.

ಉದ್ಘಾಟನೆಯವನ್ನು ಜಿಲ್ಲಾ ಗೊಲ್ಲ ಸಮಾಜದ ಕ್ರೀಡಾ ಸಮಿತಿ ಅಧ್ಯಕ್ಷ ಕಡವಡೀರ ಸಂತೋಷ್ ಹಾಗೂ ಉಪಾಧ್ಯಕ್ಷ ಅರೆಯಂಡ ಕುಶಾಲಪ್ಪ ನೆರವೇರಿಸಲಿರುವರು. ಟೆನ್ನಿಸ್ ಬಾಲ್ ಕ್ರಿಕೆಟ್ ಪಂದ್ಯಾವಳಿಯನ್ನು ಜಿಲ್ಲಾ ಗೊಲ್ಲ ಸಮಾಜದ ಅಧ್ಯಕ್ಷ ಆಚಿರ ಎಸ್. ನಾಣಯ್ಯ ಹಾಗೂ ಉಪಾಧ್ಯಕ್ಷೆ ಪೊನ್ನುಕಂಡ ಚಿತ್ರಾ ಮೊಣ್ಣಪ್ಪ ಉದ್ಘಾಟಿಸುವರು.

ಕ್ರೀಡಾಕೂಟದಲ್ಲಿ ಜನಾಂಗ ಬಾಂಧವರಿಗಾಗಿ ವಿವಿಧ ಕ್ರೀಡಾ ಸ್ಪರ್ಧೆಗಳು ನಡೆಯಲಿವೆ. ಫೈನಲ್ ಕ್ರಿಕೆಟ್ ಪಂದ್ಯಾಟವನ್ನು ಅಹಿಂದ ಸ್ಥಾಪಕ ಅಧ್ಯಕ್ಷ ಟಿ.ಪಿ. ರಮೇಶ್ ಉದ್ಘಾಟಿಸಲಿರುವರು. ಮುಖ್ಯ ಅತಿಥಿಗಳಾಗಿ ಜಿಲ್ಲಾ ಪಂಚಾಯಿತಿ ಮಾಜಿ ಸದಸ್ಯ ಪಿ.ಎಂ. ರಾಜೀವ, ದೊಡ್ಡಪುಲಿಕೋಟಿನ ಕಾಫಿ ಬೆಳೆಗಾರ ಕರವಂಡ ಸುರೇಶ್ ತಿಮ್ಮಯ್ಯ, ಅಯ್ಯಂಗೇರಿ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ತೆಕ್ಕಡ ಚಿತ್ರಾ ನಾಗೇಶ್, ಅಯ್ಯಂಗೇರಿಯ ಆಚೀರ ಗೋಪಾಲ ಹಾಗೂ ಮಡಗಾಂವ್‍ನ ಸಿರಾಕ್ ಹೊಟೇಲ್ ಎಂ.ಡಿ. ಪ್ರದೀಪ್ ನಾಯ್ಕ್ ಪಾಲ್ಗೊಳ್ಳುವರು.